موسم کا حال: دہلی-این سی آر میں صبح کے وقت گرج چمک کے ساتھ بارش

نئی دہلی: ملک کی راجدھانی نئی دہلی میں آج یعنی 2 مارچ کی صبح ہلکی بوندا باندی دیکھی گئی۔ دہلی کے ساتھ ساتھ این سی آر کے کچھ علاقوں میں موسم نے کروٹ لی ہے اور وہاں بھی بارش کی سرگرمیاں دیکھی گئیں۔ کل دیر رات بھی دہلی-این سی آر کے کچھ علاقوں میں ہلکی سے درمیانی بارش ہوئی تھی۔

محکمہ موسمیات کے مطابق کل دیر رات دہلی کے نریلا، بوانا، کنجھاولا، کرنال، ہریانہ کے راجوند، اسندھ، سفیدوں، جیند، پانی پت، گوہانہ، گنور، سونی پت، روہتک، کھرکھودا، جھجر، فرخ نگر، کوسلی، پلول، اورنگ آباد، ہوڈل، یوپی کے سنبھل، چندوسی، بلند شہر، جہانگیر آباد، انوپ شہر، بہجوئی، شکارپور، خورجہ، پہاسو، ڈبائی، نارورا، گبھانہ، سہسوان، جٹاری، اترولی، کھیر، علی گڑھ، کاس گنج، نندگاؤں، اگلاس، سکندرا، راکاندرا ہاتھرس، متھرا، ایٹا، سعدآباد اور راجستھان کے تیجارا، نگر، دیگ، لکشمن گڑھ اور بھرت پور میں بارش دیکھی گئی۔

محکمہ موسمیات کے مطابق نئی دہلی میں آج مطلع ابر آلود رہے گا اور گرج چمک کے ساتھ ہلکی سے درمیانی بارش کا سلسلہ جاری رہ سکتا ہے۔ درجہ حرارت کی بات کریں تو نئی دہلی میں کم سے کم درجہ حرارت 15 ڈگری اور زیادہ سے زیادہ درجہ حرارت 24 ڈگری ریکارڈ کیا جا سکتا ہے۔ محکمہ موسمیات کی پیشن گوئی کے مطابق کل 3 مارچ کو نئی دہلی میں کم سے کم درجہ حرارت 12 ڈگری اور زیادہ سے زیادہ درجہ حرارت 23 ڈگری ریکارڈ کیا جا سکتا ہے۔ کل دہلی میں بارش کا امکان نہیں ہے لیکن مطلع جزوی طور پر ابر آلود رہ سکتا کے۔

محکمہ موسمیات کے مطابق آج نوئیڈا میں کم سے کم درجہ حرارت 16 ڈگری اور زیادہ سے زیادہ 23 ڈگری رہ سکتا ہے۔ اس کے ساتھ ہی نوئیڈا میں گرج چمک کے ساتھ وقفے وقفے سے بارش ہو سکتی ہے۔ جبکہ اتوار کی بات کریں تو کم سے کم درجہ حرارت 14 ڈگری اور زیادہ سے زیادہ 23 ڈگری ریکارڈ کیا جا سکتا ہے۔ اس کے ساتھ ہی نوئیڈا میں بھی کل بارش کا امکان نہیں ہے۔

محکمہ موسمیات کے مطابق آج غازی آباد میں کم سے کم درجہ حرارت 16 ڈگری اور زیادہ سے زیادہ 21 ڈگری سینٹی گریڈ ریکارڈ کیا جا سکتا ہے اور گرج چمک کے ساتھ بارش دیکھنے کو ملے گی۔ کل یعنی اتوار کو غازی آباد میں کم سے کم درجہ حرارت 14 ڈگری اور زیادہ سے زیادہ درجہ حرارت 24 ڈگری ریکارڈ کیا جا سکتا ہے اور غازی آباد میں کل بھی گرج چمک کے ساتھ بارش کی سرگرمیاں دیکھنے کو ملیں گی۔