ٹوکیو اولمپک: حاجی پہلوان نے بجرنگ پونیا کو سیمی فائنل میں دی شکست، کانسہ کی امید برقرار

ٹوکیو: ایشین گیمز میں طلائی تمغہ جیتنے والے پہلوان بجرنگ پونیا، جن سے ٹوکیو اولمپک میں ہندوستان کو طلائی تمغے کی امید تھی، آج یہاں سیمی فائنل مقابلے میں اولمپک کے کانسہ تمغہ فاتح اور تین مرتبہ کے عالمی چیمپئن آذربائیجان کے کھلاڑی حاجی علییف سے 12-5 سے ہارگئے۔ بجرنگ اب کانسے کے تمغہ کے لئے ریپےچیج مقابلے کے فاتح سے کھیلیں گے۔

حاجی علییف کے خلاف مقابلے میں بجرنگ شروعات میں جارح نظرآئے اور انہوں نے مقابلے کا پہلا پوائنٹ علییف کو پیسیوٹی وقت کی پنالٹی ملنے سے حاصل کیا لیکن علییف نے واپسی کرتے ہوئے دو ، دو پوائنٹ حاصل کئے اور پہلے راؤنڈ کو چار-ایک کی سبقت کے ساتھ ختم کیا۔ علییف نے دوسرے راونڈ میں شاندار پوائنٹ حاصل کئے۔

علییف کو اب ایک مضبوط برتری حاصل ہوچکی تھی۔ بجرنگ نے واپسی کی کوشش کی لیکن ان کے پاس علییف کی تکنیکی برتری اور طاقت کا کوئی جواب نہیں تھا۔ علییف نے پوائنٹ حاصل کرتے ہوئے یہ مقابلہ 5-12 سے جیت لیا اور فائنل میں پہنچ گئے جہاں ان کا مقابلہ 2018 کے عالمی چیمپئن جاپان کے تاکوٹو آٹوگارو سے ہوگا۔ اس سے پہلے بجرنگ ایران کے مرتضیٰ غیاثی کو شکست دے کر مردوں کے فری اسٹائل 65 کلوگرام زمرے کے کشتی کے سیمی فائنل میں پہنچے تھے۔