وندے بھارت ایکسپریس میں وی ایچ پی کے سربراہ آلوک کمار کا موبائل چوری!
آلوک کمار کو موبائل ہفتہ کے روز وندے بھارت ایکسپریس میں سوار ہوتے وقت چوری ہو گیا۔ آلوک کمار دہلی کے آنند وہار ریلوے اسٹیشن سے وندے بھارت ایکسپریس کے ذریعے ایودھیا کے لئے روانہ ہو رہے تھے۔
آلوک کمار / آئی اے این ایس
نئی دہلی: ٹرینوں میں عام لوگوں کے ساتھ چوری اور چھینا جھپٹی ہونا کوئی غیر معمولی بات نہیں ہے لیکن اب چوروں نے وشو ہندو پریشد (وی ایچ پی) کے بین الاقوامی سربراہ آلوک کمار کے بھی واردات انجام دے دی ہے۔ رپورٹ کے مطابق آلوک کمار کو موبائل ہفتہ کے روز وندے بھارت ایکسپریس میں سوار ہوتے وقت چوری ہو گیا۔ آلوک کمار دہلی کے آنند وہار ریلوے اسٹیشن سے وندے بھارت ایکسپریس کے ذریعے ایودھیا کے لئے روانہ ہو رہے تھے۔
آئی اے این ایس سے بات کرتے ہوئے وی ایچ پی کے سربراہ آلوک کمار نے واقعہ بیان کرتے ہوئے کہا کہ ہفتہ کی صبح جب وہ ایودھیا جانے کے لیے آنند وہار ریلوے اسٹیشن سے وندے بھارت ایکسپریس میں سوار ہو رہے تھے تو کسی نے ان کا موبائل فون چوری کر لیا۔
وی ایچ پی لیڈر نے مزید کہا کہ سوشل میڈیا پلیٹ فارم پر پوسٹ کرنے کے بعد پولیس نے ان سے رابطہ کیا اور انہیں بتایا کہ سی سی ٹی وی فوٹیج میں ایک لڑکا ان کا موبائل چوری کرتے ہوئے دیکھا گیا ہے۔ انہوں نے امید ظاہر کی کہ جلد ہی چور پکڑا جائے گا اور ان کا موبائل برآمد کر لیا جائے گا۔
قبل ازیں، آلوک کمار نے اپنے موبائل کی چوری کے بارے میں معلومات دیتے ہوئے ایکس پر پوسٹ کی تھی۔ انہوں نے لکھا تھا، ’’ضروری اطلاع! آج میں آنند وہار ریلوے اسٹیشن سے ایودھیا دھام جانے کے لئے ٹرین نمبر 22426 وندے بھارت سے صبح 5.45 پر روانہ ہوا۔ جس وقت میں ٹرین میں سوار ہو رہا تھا تو میرا موبائل چوری ہو گیا۔ امید ہے کہ دہلی پولیس اور ریلوے پولیس جلد ہی میرے فون اور مجرم کو تلاش کر کے مناسب کارروائی کرے گی۔‘‘
Follow us: Facebook, Twitter, Google News
قومی آواز اب ٹیلی گرام پر بھی دستیاب ہے۔ ہمارے چینل (qaumiawaz@) کو جوائن کرنے کے لئے یہاں کلک کریں اور تازہ ترین خبروں سے اپ ڈیٹ رہیں۔