امیش پال قتل کیس: ایک اور انکاؤنٹر، شوٹر عثمان پولیس تصادم میں مارا گیا، 50 ہزار کا تھا انعام

پریاگ راج پولیس نے امیش پال قتل کیس میں ایک اور شوٹر کا انکاؤنٹر کیا ہے۔ امیش قتل کیس میں ملوث ایک شاطر شوٹر کو پولیس نے انکاؤنٹر میں مار دیا ہے۔ اس کا پیر کی صبح کوندھیارہ تھانہ علاقے میں کرائم برانچ کی ٹیم سے تصادم ہوا۔ پریاگ راج پولس کمشنر رامیت شرما نے جانکاری دیتے ہوئے بتایا کہ شوٹر وجے عرف عثمان کو کوندھیارا تھانہ علاقہ میں ایک انکاؤنٹر میں مارا گیا ہے۔ اس پر 50 ہزار روپے کا انعام تھا۔ اس تصادم میں نریندر نام کا ایک کانسٹیبل بھی زخمی ہوا ہے۔

اس سے پہلے 27 فروری کو پولیس نے ایک اور انکاؤنٹر کیا تھا۔ اس پولیس تصادم میں امیش پال قتل معاملہ میں ملوث حملہ آور ارباز کا انکاؤنٹر ہوا۔ ارباز کو دھومن گنج علاقے کے نہرو پارک میں ایک پولیس انکاؤنٹر میں مارا گیا تھا۔

24 فروری کو ہوا تھا امیش پال کا قتل

اتر پردیش کے پریاگ راج میں بی ایس پی ایم ایل اے راجو پال قتل کیس کے گواہ امیش پال اور ان کے دو بندوق برداروں کو قتل کر دیا گیا تھا۔ فلمی انداز کے اس قتل عام میں کار اور موٹر سائیکل سے آئے مجرموں نے فائرنگ کے ساتھ بم دھماکے بھی کیے تھے۔ جبکہ ایک شوٹر ملحقہ دکان میں گاہک کے روپ میں امیش پال کا انتظار کر رہا تھا۔ اس واردات کے پیچھے عتیق احمد گینگ کا کردار سامنے آیا ہے۔