راجستھان: روشن مستقبل کے لیے خواتین کو مضبوط بنا رہا جواہر فاؤنڈیشن

روزانہ تقریباً 300 روپے کمانے کے ساتھ سریتا اور سائرہ ان سینکڑوں خواتین میں شامل ہو چکی ہیں جو اپنے کنبہ کی آمدنی کا ذریعہ ختم ہونے کے بعد اب اپنی محنت سے گھر والوں کی پرورش کر رہی ہیں۔ ان خواتین نے اپنے کنبہ کے دو وقت کی روٹی کا انتظام کرنے کے لیے جدوجہد کا ایک طویل سفر طے کیا ہے۔

یہ خواتین ہندوستان بھر میں ان لاکھوں ایسے مزدوروں کی طرح دو وقت کی روٹی کے لیے جدوجہد کر رہی تھیں جو اچانک کووڈ-19 کے سبب لاک ڈاؤن ہونے سے متاثر ہوئے تھے۔ مثال کے طور پر دیکھا جائے تو وہ اور ان کے شوہر بے روزگار ہو چکے تھے اور روزمرہ کی ضرورتوں کو پورا کرنے کے لیے جدوجہد کر رہے تھے۔ ھالانکہ اب ان کی زندگی میں بڑی مثبت تبدیلی آ چکی ہے، کیونکہ راجستھان واقع جواہر فاؤنڈیشن اور جواہر سلائی کیندر جیسی ان کے ہنر پر مبنی پہل کی مدد سے دونوں ماہانہ اچھی کمائی کر پا رہی ہیں۔ اب ان کی نہ صرف کھانے پینے سے متعلق فکر ختم ہو چکی ہے، بلکہ اب وہ اپنے بچوں کو بہتر تعلیم بھی دے سکتی ہیں۔

جواہر سلائی کیندر کے تھت فاؤنڈیشن نے بھیلواڑا، کوٹہ اور الور سمیت راجستھان کے کچھ حصوں میں 500 سے زیادہ خواتین کو سلائی مشینیں تقسیم کی ہیں۔ ایسی ہی سینکڑوں خواتین کو مستقل آمدنی فراہم کرنے کے لیے فاؤنڈیشن راجستھان کی خواتین کے ساتھ مل کر کام کر رہا ہے۔ فاؤنڈیشن انھیں سلائی اور دیگر دست کاری جیسے ہنر سکھا رہا ہے۔

جواہر فاؤنڈیشن کے بانی ریجو جھن جھن والا نے کہا کہ ’’لوگوں کی فلاح اور ہمارے طبقہ کی حمایت ہماری تنظیم کے ڈی این اے میں ہے۔ ہم عزم کے ساتھ مانتے ہیں کہ خوایتن کو تعلیم یافتہ کرنا، انھیں معاشی طور سے خود مختار بنانا اور نوجوانوں کو فروغ دینا ہمارے طبقات کے پھلنے پھولنے کے لیے ایک مضبوط بنیاد بناتا ہے۔ اسے دھیان میں رکھتے ہوئے ہم چوبیسوں گھنٹے کام کر رہے ہیں تاکہ خواتین، نوجوان لڑکیوں اور نوجوانوں کی حمایت کی جا سکے۔‘‘

فاؤنڈیشن کی بیشتر پہل یونیسف اور یو این وومن جیسے بین الاقوامی اداروں کے ذریعہ تیار کیے گئے مشوروں اور پروگراموں کے مطابق ہیں۔ جواہر فاؤنڈیشن کے مطابق خواتین کو مضبوط بنانے سے جنسی برابری، انسداد غریبی اور مجموعی معاشی ترقی ہوتی ہے۔ اس لیے فاؤنڈیشن راجستھان کے دیہی علاقوں میں خواتین کی حوصلہ افزائی کر رہا ہے اور ان علاقوں میں نوجوانوں کو تعلیم یافتہ کر انھیں کامیابی کے راستے پر لے جا رہا ہے۔ اس کے علاوہ جواہر فاؤنڈیشن محروم لوگوں کے لیے فوڈ سروس کا بھی انعقا دکرتا رہا ہے۔ اب تک جواہر فاؤنڈیشن نے اپنے ’سوابھیمان بھوج‘ پروگرام کے ایک حصے کی شکل میں 1 لاکھ 50 ہزار سے زائد کھانا (ایک بار کا کھانا) فراہم کیا ہے۔