پارلیمنٹ کی رکن بننے کے بعد ممبئی کانگریس کی صدر ورشا گائیکواڑ کا مہاراشٹر اسمبلی کی رکنیت سے استعفیٰ
ممبئی کانگریس کی صدر ورشا گائیکواڑ نے آج مہاراشٹر اسمبلی سے عین مانسون اجلاس سے قبل استعفیٰ دے دیا۔ وہ ممبئی شمال وسط لوک سبھا سیٹ سے کامیاب ہوئی تھیں۔
![<div class="paragraphs"><p>ورشا گائیکواڑ / تصویر: ایم آر سی سی سوشل میڈیا</p></div>](https://media.assettype.com/qaumiawaz%2F2024-06%2F228becd8-2616-464c-b4c4-2b5bdbcb548c%2FVarsha_Gayakwad.jpg?rect=0%2C0%2C936%2C527&auto=format%2Ccompress&fmt=webp)
ورشا گائیکواڑ / تصویر: ایم آر سی سی سوشل میڈیا
کانگریس نے مہاراشٹر کے لوک سبھا انتخابات میں کئی ارکان اسمبلی کو میدان میں اتارا تھا۔ لوک سبھا میں کامیابی کےبعد اب انہیں اسمبلی کی رکنیت کے عہدے سے استعفیٰ دینا پڑے گا۔ اسی ضمن میں ممبئی شمال وسط لوک سبھا سے کامیابی حاصل کرنے والی ورشا گائیکواڑ نے آج اسمبلی کی اپنی رکنیت سے استعفیٰ دے دیا۔ انہوں نے اپنا استعفی اسمبلی اسپیکر راہل نارویکر کو سونپ دیا ہے۔
ورشا گائیکواڑ نے ممبئی شمال وسط لوک سبھا سیٹ سے بی جے پی امیدوار اجول نکم کو شکست دی تھی۔ اس سے قبل شولاپور سے کانگریس کی رکن اسمبلیپرنیتی شندے اور دریا پور کے رکن اسمبلی بلونت وانکھیڑے نے استعفےٰ دیا تھا۔ اس طرح مہاراشٹر میں رکن اسمبلی سے رکن پارلیمنٹ بننے والے 3 ارکان اسمبلی نے استعفیٰ دے دیا ہے اور 4 مزید ایم ایل اے مستعفی ہونے والے ہیں۔ اس سے قبل دریاپور سے رکن اسمبلی بلونت وانکھیڑے نے استعفیٰ دی تھا۔ انہوں نے امراؤتی لوک سبھا سیٹ سے نونیت رانا کو 19731 ووٹوں سے شکست دی تھی۔
یہ بھی پڑھیں : ایوان میں اب بی جے پی کی من مانی نہیں چلے گی: کانگریس
مہاراشٹر سے منتخب ہونے والے 48 ایم پی اب دہلی میں اپنی آواز اٹھائیں گے۔ 18ویں لوک سبھا انتخابات میں مہاراشٹر کی 48 میں سے 30 سیٹوں پر مہا وکاس اگھاڑی کے امیدواروں نے کامیابی حاصل کی تھی۔ اس الیکشن میں مہایوتی کے 17 امیدواروں نے بھی کامیابی حاصل کی ہے۔ آزاد امیدوار وشال پاٹل سانگلی سے جیتنے کے بعد کانگریس کی حمایت کا اعلان کیا ہے۔
Follow us: Facebook, Twitter, Google News
قومی آواز اب ٹیلی گرام پر بھی دستیاب ہے۔ ہمارے چینل (qaumiawaz@) کو جوائن کرنے کے لئے یہاں کلک کریں اور تازہ ترین خبروں سے اپ ڈیٹ رہیں۔