گجرات میں شکست سے بوکھلائی بی جے پی، کانگریس امیدوار پر قاتلانہ حملہ، الیکشن کمیشن کرے کارروائی: کھڑگے

گجرات اسمبلی انتخابات کے دوسرے مرحلے میں 93 سیٹوں پر ووٹنگ جاری ہے۔ ادھر کانگریس کے قومی صدر ملکارجن کھڑگے نے بی جے پی پر سنگین الزامات عائد کرتے ہوئے الیکشن کمیشن سے کارروائی کا مطالبہ کیا ہے۔

 کانگریس کے صدر ملکارجن کھڑگے نے ٹوتٹ کیا، "ہمارے ایم ایل اے اور گجرات کی دانتا اسمبلی سیٹ سے آدیواسی امیدوار، شری کانتی بھائی کھراڈی جی پر کل دیر رات بی جے پی کے غنڈوں نے وحشیانہ حملہ کیا۔ انہیں اپنی جان بچانے کے لیے جنگلوں میں چھپنے پر مجبور کیا گیا۔ کیا ای سی کو اس پر کارروائی نہیں کرنی چاہیے؟ بی جے پی شکست کے خوف سے گھبرا گئی ہے۔