پیشہ ورانہ غفلت پر وکلاء کے خلاف مقدمہ نہیں چلایا جا سکتا، سپریم کورٹ
جسٹس بیلا ترویدی اور پنکج متھل کی بنچ نے کہا کہ کنزیومر پروٹیکشن ایکٹ 2019 کا مقصد اور موضوع صرف صارفین کو غیر منصفانہ طریقوں اور غیر اخلاقی کاروباری طریقوں سے تحفظ فراہم کرنا ہے
![<div class="paragraphs"><p>سپریم کورٹ آف انڈیا /آئی اے این ایس</p></div>](https://media.assettype.com/qaumiawaz%2F2024-04%2F07707539-9cfc-45aa-be5c-9513ec067e46%2FGL051GFWQAAfzRm.png?rect=0%2C0%2C600%2C338&auto=format%2Ccompress&fmt=webp)
سپریم کورٹ آف انڈیا /آئی اے این ایس
نئی دہلی: سپریم کورٹ نے منگل کو اپنے ایک فیصلے میں کہا کہ خدمات میں کمی کے لیے کنزیومر پروٹیکشن ایکٹ کے تحت وکلاء کو جوابدہ نہیں ٹھہرایا جا سکتا۔ جسٹس بیلا ترویدی اور پنکج متھل کی بنچ نے کہا کہ کنزیومر پروٹیکشن ایکٹ 2019 کا مقصد اور موضوع صرف صارفین کو غیر منصفانہ طریقوں اور غیر اخلاقی کاروباری طریقوں سے تحفظ فراہم کرنا ہے۔ مقننہ کا کبھی بھی کاروبار یا اس کے پیشہ ور افراد کو قانون کے تحت احاطہ کرنے کا ارادہ نہیں تھا۔
بنچ نے کہا، ’’ہم نے 'پیشہ' کو 'کاروبار' اور 'تجارت' سے الگ کر دیا ہے۔ ہم نے کہا ہے کہ کسی بھی پیشے کو تعلیم یا سائنس کی کسی نہ کسی شاخ میں اعلیٰ تعلیم اور تربیت کی ضرورت ہوگی۔ کام کی نوعیت مختلف ہے جس میں جسم کے بجائے دماغ پر زیادہ زور دیا جاتا ہے۔ ایک پیشہ ور کے ساتھ ایک تاجر یا دکاندار جیسا سلوک نہیں کیا جا سکتا۔‘‘
تاہم، سپریم کورٹ نے واضح کیا کہ ایک وکیل کے خلاف عام طور پر لاپرواہی کا مقدمہ چلایا جا سکتا ہے۔ اس سے قبل 2007 میں قومی صارف تنازعات کے ازالے کے کمیشن (این سی ڈی آر سی) نے فیصلہ دیا تھا کہ وکالت کے ذریعہ فراہم کردہ خدمات کنزیومر پروٹیکشن ایکٹ کے دائرے میں آتی ہیں۔
اپیل پر سپریم کورٹ نے اپریل 2009 میں منظور کیے گئے ایک عبوری حکم میں، اپیل کے زیر التوا ہونے کے دوران ایس سی ڈی آر سی کے فیصلے پر عمل درآمد پر روک لگا دی تھی۔
Follow us: Facebook, Twitter, Google News
قومی آواز اب ٹیلی گرام پر بھی دستیاب ہے۔ ہمارے چینل (qaumiawaz@) کو جوائن کرنے کے لئے یہاں کلک کریں اور تازہ ترین خبروں سے اپ ڈیٹ رہیں۔