منی لانڈرنگ معاملے میں کارتی چدمبرم کو ملی راحت، راؤز ایونیو کورٹ نے سنایا ضمانت دینے کا فیصلہ
دہلی کی عدالت کے ذریعہ سمن جاری کیے جانے کے بعد مقررہ تاریخ سے قبل ہی کارتی چدمبرم پیش ہو گئے تھے، اس کو دیکھتے ہوئے ای ڈی اور سی بی آئی کے خصوصی جج نے چدمبرم کو ضمانت دے دی۔
![<div class="paragraphs"><p>کارتی چدمبرم، تصویر سوشل میدیا</p></div>](https://media.assettype.com/qaumiawaz%2F2018-02%2Fcbf84730-d457-445a-a440-9fcb95becce5%2F15d3f80c-3b64-4690-8a05-7b8b99917d06.jpg?rect=12%2C0%2C3531%2C1986&auto=format%2Ccompress&fmt=webp)
کارتی چدمبرم، تصویر سوشل میدیا
چنی ویزا گھوٹالہ سے منسلک منی لانڈرنگ معاملے میں آج کارتی چدمبرم کو عدالت سے ایک بڑی راحت ملی۔ انھیں دہلی کے راؤز ایونیو کورٹ نے ضمانت دینے کا فیصلہ سنایا ہے۔ دراصل راؤز ایونیو کورٹ کے ذریعہ سمن جاری کیے جانے کے بعد مقررہ تاریخ سے قبل ہی کارتی چدمبرم پیش ہو گئے تھے۔ اس کو پیش نظر رکھتے ہوئے ای ڈی اور سی بی آئی کے خصوصی جج نے چدمبرم کو ضمانت دے دی۔
یہ بھی پڑھیں : راہل گاندھی کی سابقہ اور موجودہ شبیہ...سید خرم رضا
عدالت نے منی لانڈرنگ معاملے میں ای ڈی کی چارج شیٹ کی بنیاد پر کارتی چدمبرم کو سمن جاری کیا تھا۔ اب عدالت نے ایک لاکھ روپے کے ذاتی مچلکہ اور اتنی ہی رقم پر ملزم کارتی چدمبرم کو ضمانت دی ہے۔
قابل ذکر ہے کہ ای ڈی نے 2011 میں 263 چینی شہریوں کو ویزا جاری کرنے سے متعلق مبینہ گھوٹالے میں منی لانڈرنگ کا معاملہ درج کیا تھا۔ اس معاملے میں کارتی چدمبرم کے علاوہ 3 دیگر لوگوں کو ای ڈی نے ملزم بنایا تھا۔ اس وقت کارتی کے والد پی چدمبرم مرکزی وزیر داخلہ تھے۔ اس معاملے میں سی بی آئی کے معاملہ درج کرنے کے بعد پریونشن آف منی لانڈرنگ کے تحت بھی کیس درج کیا گیا تھا۔ سی بی آئی کے مطابق اس معاملے میں تقریباً 50 لاکھ روپے کی رشوت لی گئی تھی۔
Follow us: Facebook, Twitter, Google News
قومی آواز اب ٹیلی گرام پر بھی دستیاب ہے۔ ہمارے چینل (qaumiawaz@) کو جوائن کرنے کے لئے یہاں کلک کریں اور تازہ ترین خبروں سے اپ ڈیٹ رہیں۔