ڈیرہ سچا سودا سربراہ گرمیت رام رحیم سنگھ کو پھر 'چھٹی'، 21 دن کی فرلو پر جیل سے باہر

عصمت دری کا قصوروار ڈیرہ سچا سودا کے سربراہ گرمیت رام رحیم سنگھ 21 دن کی فرلو ملنے کے بعد ایک بار پھر منگل کو سُناریا جیل سے باہر آ گیا۔ رام رحیم کو صبح 6.30 بجے اسے پولیس کے سخت تحفظ میں رہا کیا گیا۔ بابا اپنی چھٹی کی یہ مدت اتر پردیش کے باغپت ضلع میں واقع برناوا آشرم میں گزارے گا۔

واضح ہو کہ بابا رام رحیم نے جون 2024 میں ایک فرلو کا مطالبہ کرتے ہوئے پنجاب اور ہریانہ ہائی کورٹ کا دروازہ کھٹکھٹایا تھا۔ لیکن اس پر پہلے فروری مہینے میں ہائی کورٹ نے ہریانہ حکومت سے کہا تھا کہ وہ ڈیرہ سچا سودا کے سربراہ کو اس کی اجازت کے بغیر پیرول نہ دے۔ اس وقت ہائی کورٹ شیرومنی گرودوارہ انتظامیہ کمیٹی کی عرضی پر سماعت کر رہا تھا جس نے ڈیرہ سچا سودا سربراہ کو غیر مستقل رہائی دیے جانے کو چیلنج کیا تھا۔

فرلو کی بات کی جائے تو یہ ایک طرح کی چھٹی ہوتی ہے جس میں قیدی کو کچھ دن کے لیے رہا کیا جاتا ہے۔ فرلو کی مدت کو قیدی کی سزا میں چھوٹ اور اس کے اختیار کے طور پر دیکھا جاتا ہے۔ یہ صرف سزا پا چکے قیدیوں کو ہی ملتی ہے۔ یہ چھٹی عام طور پر اس قیدی کو ملتی ہے جسے طویل وقت کے لیے سزا ملی ہو۔ غور طلب رہے کہ گرمیت رام رحیم سنگھ اپنی دو شاگردہ کی عصمت دری کے معاملے میں 20 سال جیل کی سزا کاٹ رہا ہے۔ اسے 19 جنوری کو 50 دن کی پیرول بھی دی گئی تھی اور اس میں 10 دن کا اضافہ بھی ہوا تھا۔