اوڈیشہ کے گنجام میں دو پریزائیڈنگ افسران کی گرفتاری کا حکم، تین معطل، سنگین لاپرواہی کا الزام
عہدیداروں پر ووٹروں کو خاص پارٹی کو ووٹ دینے کے لیے متاثر کرنے کا الزام ہے۔ ضلع کالاہانڈی میں ایک پولنگ افسر اور گنجام میں ایک پریزائیڈنگ افسر کو بھی ڈیوٹی میں غفلت برتنے پر معطل کر دیا گیا تھا
![<div class="paragraphs"><p>تصویر سوشل میڈیا</p></div>](https://media.assettype.com/qaumiawaz%2F2024-05%2F851a33fa-dd6f-4c83-bbec-3b9f6c8bf4e0%2Felectoral_officer_odisha.jpg?rect=0%2C0%2C4089%2C2300&auto=format%2Ccompress&fmt=webp)
تصویر سوشل میڈیا
اوڈیشہ میں پیر کو لوک سبھا اور اسمبلی انتخابات کے پہلے مرحلے کے لیے ووٹنگ ہوئی۔ دریں اثنا، ریاست کے چیف الیکٹورل آفیسر نے گنجام ضلع کے دو پریزائیڈنگ افسروں اور گنجام اور کالاہاندی میں 3 دیگر عہدیداروں کو ڈیوٹی میں سنگین غفلت برتنے پر معطل کرنے اور گرفتار کرنے کا حکم دیا۔
سی ای او نکونجا بہاری دھل نے کہا، ’’ہم نے گنجام کے ضلع کلکٹر کو 3 پریزائیڈنگ افسران کو معطل کرنے اور ان میں سے دو کو ڈیوٹی میں سنگین غفلت برتنے پر گرفتار کرنے کا حکم دیا ہے۔ چھتر پور کے پولنگ اسٹیشن نمبر 27 اور 163 کے پریزائیڈنگ افسران کو معطل کر دیا گیا ہے۔ اسی طرح گوپال پور میں پولنگ اسٹیشن نمبر 193 کے پریذائیڈنگ افسر کو بھی معطل کرنے کا حکم دیا گیا ہے۔‘‘
ملزم عہدیدار مبینہ طور پر ووٹروں کو کسی خاص سیاسی جماعت کو ووٹ دینے کے لیے متاثر کرتے پائے گئے۔ قبل ازیں، ضلع کالاہانڈی کے نرلا میں تعینات پولنگ افسر اور گنجام کے چکیٹی میں ایک پریزائیڈنگ افسر کو بھی ڈیوٹی میں غفلت برتنے پر معطل کر دیا گیا تھا۔
الیکشن کمیشن آف انڈیا کے مطابق، اوڈیشہ میں شام 5 بجے تک 62.96 فیصد ووٹنگ ہوئی، کالاہاندی پارلیمانی حلقے میں سب سے زیادہ ٹرن آؤٹ 67.07 فیصد ریکارڈ کیا گیا، جب کہ نابرنگاپور میں 65.07 فیصد ووٹنگ ہوئی۔
اسمبلی حلقوں میں، نبارنگاپور ضلع کے دبوگام میں 71.30 فیصد ووٹنگ ریکارڈ کی گئی، جب کہ کالاہاندی ضلع کے دھرم گڑھ میں 70.06 فیصد ووٹنگ ہوئی۔
اوڈیشہ میں پہلے مرحلے کی ووٹنگ پیر کو برہم پور، نابرنگا پور، کالاہاندی اور کوراپٹ پارلیمانی حلقوں اور ان حلقوں کی 28 اسمبلی حلقوں میں ہوئی۔ اڈیشہ میں 13 مئی سے یکم جون تک چار مرحلوں میں اسمبلی اور لوک سبھا کے انتخابات ایک ساتھ ہوں گے۔ دونوں کے لیے ووٹنگ کے نتائج 4 جون کو آئیں گے۔
Follow us: Facebook, Twitter, Google News
قومی آواز اب ٹیلی گرام پر بھی دستیاب ہے۔ ہمارے چینل (qaumiawaz@) کو جوائن کرنے کے لئے یہاں کلک کریں اور تازہ ترین خبروں سے اپ ڈیٹ رہیں۔