مدھیہ پردیش: ہندی روزنامہ کے 26 ملازمین کورونا پازیٹو

بھوپال: مدھیہ پردیش کی راجدھانی بھوپال میں ایک ہندی روزنامہ کے دفتر کے 26 ملازمین کورونا سے متاثر پائے گئے ہیں۔ سرکاری ذرائع کے مطابق یہاں ایم ایس پی نگر علاقے میں واقع اس دفتر میں کام کرنے والے 57 ملازمین کے نمونے جانچ کے لئے گئے۔ ان میں سے اب تک 26 ملازمین کورونا سے متاثر پائے گئے ہیں۔ ان سبھی کو یہاں ایک اسپتال میں داخل کرایا گیا ہے۔ وہین باقی کے تقریباً 20 ملازمین کے سیمپل لے کر جانچ کرائے جا رہے ہیں۔

اس دفتر میں مقامی انتظامیہ کی ٹیم پہنچی اور اس نے دفتر کو سنیٹائز کرنے کے ساتھ کورونا انفیکشن کو روکنے کے لئے ضروری قدم اٹھائے۔ بھوپال ضلع میں اب تک تقریباً 3700 کورونا سے متاثر افراد ملے ہیں، جن میں سے تقریباً 2700 افراد صحت مند ہوچکے ہیں۔ کل 122 لوگوں کی جانیں جاچکی ہیں۔ باقی لوگوں کا علاج چل رہا ہے۔