امریکہ کی اسرائیلی فوجیوں پر پابندی کی تیاری، اسرائیل ناراض، فیصلے کی مذمت

امریکہ نے ایران کے ساتھ جنگ ​​کے دوران اسرائیل ڈیفنس فورس (آئی ڈی ایف) کی نیتزاہ یہودا بٹالین پر پابندی لگانے کی تیاری کر لی ہے۔ اس خبر کے بعد اسرائیلی وزیراعظم بنجامن نیتن یاہو امریکا پر اپنی برہمی کا اظہار کیا ہے۔ انہوں نے اس فیصلے کی مذمت کرتے ہوئے کہا ہے کہ امریکہ کا یہ فیصلہ ہمیں قبول نہیں ہے۔ یہ مضحکہ خیز ہے، امریکہ کو ایسا نہیں کرنا چاہیے تھا۔ امریکہ کے اس فیصلے کے خلاف ہر ممکن اقدام کروں گا۔ اسرائیلی فوج نے کہا کہ نیتزاہ یہودا بین الاقوامی قوانین کے تحت کام کر رہی ہے۔

میڈیا رپورٹس کے مطابق یہ پابندی مغربی کنارے میں فلسطینیوں کے خلاف انسانی حقوق کی خلاف ورزیوں کے الزام میں لگائی جا رہی ہے۔ خبر یہ بھی ہے کہ بائیڈن انتظامیہ اس بٹالین کو بلیک لسٹ بھی کر سکتی ہے۔ اگر ایسا ہوا تو امریکہ سے فنڈنگ ​​روک دی جائے گی۔ نیتن یاہو نے کہا ہے کہ امریکہ سے اس کی توقع نہیں تھی، وہ بھی ایسے حالات میں جب ہمارے فوجی دہشت گردوں کے عفریت سے لڑ رہے ہیں، پابندیاں لگائی جا رہی ہیں۔ پابندی لگانے کا ارادہ مضحکہ خیز ہے۔

ساتھ ہی اسرائیلی وزراء اتامر بین گیور اور بیزیل اسموٹریچ نےبھی سخت تنقید کی ہے۔ گیور نے کہا ہے کہ ہمارے فوجیوں پر پابندیاں لگانا خطرے کی علامت ہے۔ ایک ایسے وقت میں جب اسرائیل اپنی بقا کی جنگ لڑ رہا ہے بٹالینز پر پابندی کی منظوری کا اقدام پاگل پن ہے۔ درحقیقت ایران اسرائیل جنگ کے بعد سے امریکہ اسرائیل پر حملہ نہ کرنے کے لیے مسلسل دباؤ ڈال رہا ہے۔ اسی دوران ایران پر فضائی حملے کی خبریں بھی سامنے آئیں۔ اب امریکہ کے اس اقدام سے کئی معنی نکالے جا رہے ہیں۔ امریکہ کی کارروائی کی خبر کے بعد اسرائیلی وزیر اعظم نے اتوار (20 اپریل) کو کہا کہ میں اس فیصلے کے خلاف پوری طاقت سے لڑوں گا۔

واضح رہے کہ گزشتہ ہفتے امریکی وزیر خارجہ اینٹونی بلنکن سے بھی اس بارے میں پوچھا گیا تھا۔ ان سے پوچھا گیا کہ کیا امریکہ مغربی کنارے میں انسانی حقوق کی خلاف ورزیوں کے الزامات پر اسرائیلی دفاعی افواج کے خلاف کوئی کارروائی کرے گا۔ بلنکن نے کہا تھا آپ آنے والے دنوں میں یہ دیکھنے کی توقع کر سکتے ہیں۔ بتایا جا رہا ہے کہ امریکہ کی طرف سے اسرائیلی فوج پر یہ پہلی کارروائی ہے۔

رپورٹ کے مطابق فوج نے کہا کہ آی ڈی ایف بٹالین کے خلاف پابندیوں سے آگاہ نہیں تھا۔ بٹالین قانون کے مطابق کام کرتی ہے اور کرتی رہے گی۔ اسرائیل کے وزیر دفاع یوو گیلنٹ نے کہا کہ امریکہ کو نیتزاہ یہودا پر پابندیاں لگانے کا ارادہ ترک کر دینا چاہیے۔ گیلنٹ نے کہا کہ پوری یونٹ پر پابندی کا اثر آئی ڈی ایف کے لیے تباہ کن ہوگا۔ یہ دونوں ممالک کے لیے درست نہیں۔