شدید سردی اور بارش میں بھی کسان مظاہرین کا جوش کسی ’انقلاب‘ کی سرگوشی، دیکھیں ویڈیو

40 سے زیادہ دن ہو گئے ہیں جب دہلی بارڈرس پر کسانوں کی تحریک جاری ہے۔ دن بہ دن مظاہرین کی تعداد کم ہونے کی جگہ بڑھتی ہی جا رہی ہے۔ شدید سردی اور بارش کے ماحول میں بھی مظاہرین کا جوش کسی بھی صورت کم ہوتا ہوا نظر نہیں آ رہا ہے، بلکہ ان کا جوش کسی انقلاب کی آہٹ کی خبر دیتا ہوا محسوس ہوتا ہے۔ مودی حکومت کے ذریعہ پاس کردہ زرعی قوانین کے خلاف کسانوں کی جاری تحریک انتہائی پرامن ہے اور دہلی بارڈرس پر مرد سے لے کر خواتین تک جوشیلے ترانے گاتی ہوئی نظر آ رہی ہیں۔ ’قومی آواز‘ نے اپنے حق کے لیے جنگ لڑ رہے کسان مظاہرین کے درمیان جا کر ان کا حال جانا اور درپیش مسائل پر بھی گفتگو کی۔ قومی آواز کے قارئین کے لیے پیش خدمت ہے یہ خصوصی ویڈیو...