حکومت نے کسانوں کی بات نہیں سنی تو بن سکتے ہیں ’پگڑی سنبھال جٹّ‘ جیسے حالات

زرعی قوانین کے خلاف کسانوں کی تیز ہوتی تحریک، ان کا بڑھتا غصہ اور ان کی آنکھوں سے ٹپکتی الگ تھلگ چھوڑ دینے کی تکلیف ملک میں بڑھتی ناراضگی کی بے مثال کہانی ہے۔ کوئی بھی جمہوری حکومت جو لوگوں کے جذبات کو سمجھتی ہو، اس حالت کو شروعات میں ہی کسانوں کے ساتھ بامعنی مذاکرہ اور بات چیت کے ذریعہ ٹال سکتی تھی۔ لیکن حکومت نے اس کی جگہ نومبر کے آخری ہفتہ کی سردی میں ملک کے کسانوں پر آنسو گیس کے گولے اور آبی توپوں سے حملہ کر دیا۔

پرامن طریقے سے احتجاجی مظاہرہ کر رہے کسانوں پر سرکاری طاقت کا استعمال ناانصافی کے خلاف احتجاج کرنے کے بنیادی حقوق کی خلاف ورزی ہے۔ جمہوریت کا پہلا ہی اصول یرغمال بنا ہوا ہے اور کسانوں کی آزادی اور وقار خطرے میں ہے۔ دیوار پر لکھی عبارت صاف ہے۔ اگر مسئلہ کا ایسا حل جلد نہیں نکایا گیا جس سے کہ کسان مطمئن ہوں تو حالات بے قابو ہو سکتے ہیں۔ اگر ایسا ہوتا ہے تو وہ داخلی استحکام اور ملک کی سیکورٹی کے لیے خطرہ کھڑا کر دیں گے۔

مرکزی حکومت کو اسے وقار کا سوال بنانے کی جگہ متنازعہ زرعی قوانین کو معطل کر دینا چاہیے اور ان کے جذبات کا خیال رکھنا چاہیے جن کے فائدے کے لیے ان قوانین سے دعویٰ کیا گیا ہے۔ یہ عجیب سی حالت ہے کہ حکومت جن زرعی قوانین کو کسانوں کے لیے فائدہ مند بتا رہی ہے، وہی کہہ رہے ہیں کہ اس سے ان کے حقوق کی خلاف ورزی ہوگی۔ پھر بھی حکومت انھیں تھوپنا چاہتی ہے۔ ملک کے جذبات اس وقت کسانوں کے ساتھ ہیں، جو سیدھا مطالبہ کر رہے ہیں کہ ان قوانین کو واپس لیا جائے۔

یقینی طور پر ہم آزاد ملک میں ایسا لمحہ نہیں چاہتے ہیں جس میں ’پگڑی سنبھال جٹّ‘ کا نعرہ لگے، کیونکہ اگر ایسا ہوتا ہے تو پھر یہ بہت ہی شرمناک ہوگا۔