پاکستان میں دو ٹرینوں کی ٹکر، 30 سے زیادہ لوگوں کے مرنے کی خبر

پڑوسی ملک پاکستان میں ایک بڑا ریل حادثہ ہوا ہے۔ پاکستان کےعلاقہ گھوٹکی میں ریتی اور ڈہارکی ریلوے اسٹیشنوں کے درمیان سر سید ایکسپریس اور ملت ایکسپریس ٹرینوں میں ٹکر ہوگئی۔ اس حادثہ میں آخری اطلاعات ملنے تک 30 سے زائد لوگ جاں بحق ہوچکے ہیں اور بڑی تعداد میں لوگ زخمی ہوگئے ہیں۔

خبروں کے مطابق سرسید ایکسپریس لاہور جاری تھی اور ملت ایکسپریس سرگودھا سے کراچی جا رہی تھی کہ دونوں کے درمیان تصادم ہوگیا، راحت کے کاموں کے لئے بھاری مشینری اور کٹر کی ضرورت ہے، کیونکہ بڑی تعداد میں لوگ ٹرین کے ڈبوں میں پھنسے ہوئے ہیں۔ اس روٹ پرتمام ٹرینیں معطل کردی گئی ہیں۔ پولیس اور راحت کے کام کرنے والے افراد بڑی تعداد میں موقع پر پہنچ گئے ہیں۔ انتظامیہ کی مدد کے لئے فوج بھی پہنچ گئی ہے۔ زخمیوں کو قریبی اسپتال میں لے جایا جا رہا ہے۔

ڈان خبر کے مطابق، حادثے کے وقت زیادہ تر مسافر سو رہے تھے اور بوگیوں کے اچانک پٹری سے اتر جانے سے افراتفری پھیل گئی جس کے بعد مسافروں کی جانب سے اپنی مدد آپ کے تحت ریسکیو کا کام شروع کیا گیا۔ تاہم بعد ازاں ایدھی ایمبولنسز جائے وقوع پر پہنچ گئیں اور زخمیوں کو اسپتال منتقل کر دیا گیا۔

دوسری جانب، پاکستان کے وزیر ریل اعظم سواتی نے کراچی ایکسپریس کو پیش آنے والے حادثے پر انتہائی دکھ اور افسوس کا اظہار کرتے ہوئے کہا کہ ریلوے کو مکمل طور پر اپ گریڈ کرنے کی ضرورت ہے، اگر حادثے میں ریلوے ملازمین کی غلطی ہوئی تو ان کے خلاف سخت کارروائی عمل میں لائی جائے گی۔