اتراکھنڈ: اجتماعی طور پر اسمبلی انتخابات لڑنے کی تیاری میں کانگریس

نینی تال: آل انڈیا کانگریس (آئی این سی) کے قومی ترجمان پون کھیڑا نے کہا کہ کانگریس پارٹی ایک چہرے کے بجائے اجتماعی طور پر اسمبلی کا الیکشن لڑے گی۔ ساتھ ہی بھارتیہ جنتا پارٹی (بی جے پی) کو زبرست ٹکر دے گی۔ اتوار کے روز پون کھیڑا ہلدوانی کے دور ے پر پہنچے۔ انہوں نے کہا کہ پارٹی ایک چہرے کے فارمولے کے بجائے اجتماعی طور پر میدان میں اترے گی اور ہر کسی سے رائے مشورہ کے بعد کوئی فیصلہ کیا جائے گا۔ انہوں واضح طور پر کہا کہ مہنگائی، مہاجرت، ترقیات، بدعنوانی اور روزگار الیکشن کے اہم مسائل ہیں۔

انہوں نے مزید کہا کہ بی جے پی ریاست میں کارگر اور مستحکم حکومت دینے میں ناکام ہے۔ انہوں نے کہا کہ حکومت انتخابات میں تین وزرائے اعلیٰ کا حساب بھی مانگے گی۔ کانگریس انتخابات میں عوام سے مضبوط ریاستی حکومت، ریاست کی ہمہ جہت ترقی اور روزگار کے نام پر نوجوانوں کو اعتماد میں لے گی۔ دوسری جانب پارٹی کے سینیئر رہنما ہریش راوت نے سوشل میڈیا پر جاری بیان میں کہا کہ چار سال میں بی جے پی حکومت نے اتراکھنڈ اور اتراکھنڈیت کی بے حرمتی کی ہے اور وہ ’پریورتن یاترا‘ پر اس کا جواب دیں گے۔ انہوں نے کہا کہ آئندہ تین ستمبر سے وزیراعلیٰ پشکرسنگھ دھامی کے آبائی حلقے سے ’پریورتن ریلی‘ کا آغاز کریں گے۔

انہوں نے کہا کہ چار سال میں بی جے پی حکومت پوری طرح سے ناکام رہی ہے۔ کانگریس نے سڑک سے ایوان تک مؤثر اپوزیشن کا کردار ادا کیا ہے، لیکن اس کے باجود بی جے پی حکومت ریاست کو ترقی دینے میں ناکام رہی ہے۔ آئندہ تین ستمبر سے کھٹیما کے ’شہید استھل‘ سے ’پریورتن یاترا‘ کی شروعات ہوگی۔ اس سے واضح ہے کہ کانگریس، وزیراعلیٰ کے آبائی حلقے سے ہی بی جے پی کو گھیرنے کی کوشش کرے گی۔

انہوں نے کہا کہ چار سال میں بی جے پی حکومت پوری طرح سے ناکام رہی ہے۔ کانگریس نے سڑک سے ایوان تک مؤثر اپوزیشن کا کردار ادا کیا ہے، لیکن اس کے باجود بی جے پی حکومت ریاست کو ترقی دینے میں ناکام رہی ہے۔ آئندہ تین ستمبر سے کھٹیما کے ’شہید استھل‘ سے ’پریورتن یاترا‘ کی شروعات ہوگی۔ اس سے واضح ہے کہ کانگریس، وزیراعلیٰ کے آبائی حلقے سے ہی بی جے پی کو گھیرنے کی کوشش کرے گی۔