اتراکھنڈ انتخاب: کانگریس اقلیتی ڈیپارٹمنٹ نے جاری کی آبزرورس کی فہرست

اتراکھنڈ میں اسمبلی انتخابات کے پیش نظر آل انڈیا کانگریس کمیٹی کے اقلیتی ڈیپارٹمنٹ نے اپنے آبزرورس (مبصرین) کی فہرست جاری کر دی ہے۔ اقلیتی ڈیپارٹمنٹ کے چیئرمین عمران پرتاپ گڑھی کے دستخط سے جاری اس فہرست کو فوری اثر سے نافذ کیا گیا ہے۔ جاری فہرست کے مطابق طاہر علی کو چیئرمین بنایا گیا ہے اور سید عدنان اشرف کو میڈیا انچارج (30-پیرنکلیار) کی ذمہ داری دی گئی ہے۔ اسی طرح عمیر خان (ریاستی انچارج) کو دہرادون ضلع، شمیم علوی (قومی کوآرڈنیٹر) کو ہریدوار ضلع، اور عبدالواحد قریشی (ریاستی چیئرمین) کو نینی تال ضلع کی ذمہ داری سونپی گئی ہے۔

اس کے علاوہ مزید جن شخصیات کو کانگریس اقلیتی ڈیپارٹمنٹ نے اتراکھنڈ اسمبلی میں آبزرور کی ذمہ داری سونپی ہے ان میں انجینئر انصاف آزاد (31-روڑکی)، لیاقت علی گدی (33-منگلور)، کنور شہزاد (35-ہریدوار دیہی)، ضیا چودھری (23-ڈوئی والا)، محمد ساکی (18-دھرم پور)، لیاقت خان (25-ہریدوار)، عبدالحئی (34-لکسر)، محی الدین (29-جھبریرا)، شمعون خان (28-بھگوان پور ایس سی)، اور انصاف علی (20-راجپور روڈ ایس سی) شامل ہیں۔