یہ سچائی کی جیت ہے، راہل گاندھی نے سچائی کی لڑائی لڑی ہے:سپریا شرینیت

کانگریس کی سینئر ترجمان سپریا شرینیت نے  انڈیا نامی اتحاد کی کامیابی کے بعد کانگریس کے سوشل میڈیا کارکنان کا دفتر پہنچ کر شکریہ ادا کیا ۔ انہوں اس موقع پر خوشی کا اظہار کیا اور کہا کہ کارکنان نے دل سے محنت کی ہے اور یہ جیت سچائی کی ہے۔ انہوں نے کہا کہ ’ہمیں فخر ہونا چاہئے کہ ہم ایسے رہنما کے ساتھ کام کر رہے ہیں جس نے کبھی نفرت نہیں کی، جس نے کبھی غلط نہیں بولا اور جو کبھی ڈرا نہیں۔‘

سپریا شرینیت پرجوش نظر آئیں اور کانگریس کارکنان نے ان کا دفتر میں استقبال تالیاں بجا کر کیا ۔ اس موقع پر انہوں کارکنان سے خطاب کرتے ہوئے کہا کہ وہ ان کی شکر گززار ہیں اور انہیں آج یقین ہو گیا ہے کہ ہندوستان کے عوام بہت زیادہ سمجھدار ہیں اور یہ کامیابی ان کی اس سمجھداری کی دین ہے۔

انڈیا نامی اتحا د کو اکثریت بھلے ہی نہ ملی ہو لیکن انہوں نے بی جے پی کو تگڑا جھٹکا دیتے ہوئے مودی  کو پہلی مرتبہ اکثریت سے محروم کر دیا ہے۔ سپریا شرینیت اس موقع پر جزباتی ہو گئیں اور انہوں نے کہا کہ وہ راہل گاندھی کو لے کر یہ سوچتی ہیں کہ ’اگر خدا ہے تو یہ شخص (راہل گاندھی) جو سچائی کے لئے پوری طاقت سے لڑ رہا ہے اس کو جیتنا چاہئے‘۔

انہوں نے کہا کہ سچ ہی جیتتا ہے اور یہ کامیابی اس بات پر مہر لگاتی ہے کہ صرف اور صرف سچ کی ہے آخر میں جیت ہوتی ہے۔ انہوں نے کہا کہ یہ کامیابی رال گاندھی اور عوام کی تو ہے لیکن سب سے زیادہ یہ کامیابی سچائی کی کامیابی ہے۔ سپریا نے کہا کہ کانگریس سچ کے ساتھ اور پوری ایمانداری سے یہ لڑائی لڑی۔