کووڈ ویکسین لینے والوں کی تعداد تقریباً 117 کروڑ

نئی دہلی: ملک میں کووڈ ویکسینیشن مہم جاری ہے اور ویکسین لینے والوں کی تعداد 117 کروڑ کے قریب پہنچ گئی ہے۔ گزشتہ 24 گھنٹوں کے دوران تقریباً 33 لاکھ افراد کو کووڈ ویکسین لگائی گئی ہیں۔ اس کے ساتھ ہی کل ویکسینیشن 116 کروڑ 87 لاکھ سے تجاوز کر گئی ہے۔

پیر کو یہاں مرکزی وزارت صحت اور خاندانی بہبود کی جانب سے جاری کردہ اعداد و شمار کے مطابق گزشتہ 24 گھنٹوں کے دوران ملک بھر میں 32 لاکھ 99 ہزار337 افراد کو کووڈ ویکسین دی گئی ہیں۔ آج صبح 7 بجے تک 116 کروڑ 87 لاکھ 28 ہزار 385 افراد کو کووڈ ویکسین لگائی جا چکی ہیں۔

وزارت کے مطابق گزشتہ 24 گھنٹوں میں 12,510 کووڈ مریض صحت مند ہوئے، جس سے اب تک تین کروڑ 39 لاکھ 34 ہزار 547 لوگ ہلاکت خیز کووڈ سے صحت یاب ہو چکے ہیں اور یہ شرح 98.31 فیصد ہے۔ گزشتہ 24 گھنٹوں میں کووڈ کے 8,488 نئے کیسز رپورٹ ہوئے ہیں۔

اس وقت ملک میں ایک لاکھ 18 ہزار 443 کووڈ مریض زیر علاج ہیں۔ یہ کل کیسز کا 0.34 فیصد ہے۔ یومیہ کیسز کی شرح 1.08 فیصد ہے۔ گزشتہ 24 گھنٹوں میں ملک بھر میں 7 لاکھ 83 ہزار 567 کووڈ ٹسٹ کیے گئے ہیں۔ ملک میں اب تک 63 کروڑ 25 لاکھ 24 ہزار 259 کووڈ ٹسٹ کیے جا چکے ہیں۔