انتخابی نتائج کی غلط اطلاعات کو روکنے کے لیے حقائق کی جانچ کی سہولت فراہم کرے گی ’کو‘ ایپ

نئی دہلی: سوشل میڈیا پلیٹ فارم ’کو‘ نے لوگوں کو مشورہ دیا ہے کہ وہ کسی بھی اخبار یا اسمبلی انتخابات کے نتائج کے بارے میں غیر مصدقہ اطلاعات کو اس نیٹ ورک پر آگے بھیجنے سے پہلے دیکھ لیں۔ کو ایپ نے ایک بیان میں بتایا ہے کہ اس نے لوگوں کو خبروں کی سچائی کی تصدیق کرنے کے لیے آزاد فیکٹ چیک کرنے والوں کے ساتھ بات چیت کرنے میں بھی سہولت فراہم کی ہے۔

کو ایپ کا یہ بھی کہنا ہے کہ اس نے دسمبر-فروری 2021-22 کے درمیان اپنے نیٹ ورک پر خود کو نیوز چینلز یا صحافی کے طور پر پیش کرنے والے 834 ہینڈلز پر پابندی لگا دی ہے۔ ان نیٹ ورکس پر نیوز ہینڈلز کی تعداد 4,720 سے زیادہ تھی۔

کو ایپ نے بتایا کہ انہوں نے یہ مشورہ اتر پردیش، پنجاب، اتراکھنڈ، گوا اور منی پور میں انتخابی نتائج سے پہلے اپنے نیٹ ورک سے جڑے لوگوں کو دیا ہے۔ بیان میں کہا گیا ہے کہ "یہ رہنما خطوط جعلی خبروں اور غلط اطلاعات سے نمٹتے ہیں اور صارفین کو کچھ بھی پوسٹ کرنے سے پہلے اطلاعات کی تصدیق کی اہمیت پر زور دیتے ہیں۔" کو ایپ نے بتایا ہے کہ صارفین اپنی اطلاعات کو "جعلی" قرار دینے سے بچ سکیں گے۔

کوایپ کے شریک بانی اور چیف ایگزیکٹیو اپرمایا رادھاکرشنا نے بتایا کہ "اہم واقعات سے پہلے غلط اطلاعات ایک بڑی تشویش بنی ہوئی ہے۔ اس ایڈوائزری کے ذریعے کوایپ ایک ذمہ دار پلیٹ فارم کے طور پر جعلی خبروں اور بدنیتی پر مبنی خبروں کو پھیلنے سے روکنے میں مدد کر سکتا ہے۔‘‘

کوایپ نے پلیٹ فارم پر تمام 10 زبانوں میں اپنی کمیونٹی گائیڈ لائنز جاری کی ہیں جو اس کے خیال میں ذمہ دار آن لائن طرز عمل کے لیے اہم ہیں۔ بیان میں کہا گیا ہے کہ "یہ رہنما خطوط صارفین کو کچھ بھی پوسٹ کرنے سے پہلے اطلاعات کی تصدیق کرنے کی اہمیت پر زور دیتے ہیں اور نیٹ ورک کے صارفین کو کسی بھی اطلاعات کو بغیر کسی ثبوت کے 'جعلی' قرار دینے کے خطرے سے بچاتے ہیں۔"