کوٹہ سے لاپتہ کوچنگ طالب علم اور طالبہ بازیاب

راجستھان کے کوچنگ سٹی کے نام سے مشہور کوٹہ سے گزشتہ ہفتے لاپتہ ہونے والے کوچنگ کے ایک طالب علم اور طالبہ کی بازیابی کے بعد پولیس نے راحت کی سانس لی ہے۔

پولیس سپرنٹنڈنٹ (سٹی) ڈاکٹر امرتا دوہن نے اتوار کو بتایا کہ کوٹہ کے کنہاڑی تھانہ علاقے میں ایک پرائیویٹ کوچنگ انسٹی ٹیوٹ کی طالبہ اچانک گھر سے کہیں چلی گئی۔ گھر میں بھائی- بہن کے آپس میں لڑنےکے بعد ان کی والدہ نے انہیں ڈانٹ دیا تھا۔ شاید اسی وجہ سے وہ دونوں ناراض ہو کر چلے گئے تھے۔ انہوں نے بتایا کہ پولیس فوری طور پر متحرک ہوگئی اور پورے علاقے کے سی سی ٹی وی کیمروں کی تلاشی لی اور اس کے ریلوے اسٹیشن اور وہاں سے ممبئی جانے کے بارے میں معلومات حاصل کی۔ اس کے بعد پولیس نے تمام کوششیں بروئے کار لاتے ہوئے دونوں بھائی بہن کو ممبئی کے اندھیری سے بازیاب کرایا۔

ایک اور واقعہ میں اتر پردیش کے ضلع شاہجاپور کے رہنے والے دھرم پال سنگھ راجپوت نے 2 جولائی کو کنہاڑی پولیس اسٹیشن میں شکایت درج کروائی تھی کہ ان کا بیٹا بھرت جو ایک پرائیویٹ ہاسٹل میں رہتا ہے، بغیر کچھ کہے گھر سے چلا گیا ہے۔ تفتیش کے دوران پولیس کو اس کے بنگلور جانے کی اطلاع ملی۔ اس پر پولیس نے اسے بنگلورسے بازیاب کرایا۔ دراصل اسے کوچنگ میں کوئی دلچسپی نہیں تھی۔دونوں بچوں کو ان کے اہل خانہ کے حوالے کر دیا گیا ہے۔