راجیوگاندھی نے ملک کو اکیسویں صدی میں لے جانے کے لئے کام کیا: شری گوپال

اجمیر: راجستھان میں کانگریس لیڈر اور پشکر کے سابق رکنِ اسمبلی ڈاکٹر گوپال باہیتی نے کہا ہے کہ سابق وزیراعظم راجیو گاندھی نے ملک کی یکجہتی اور سالمیت کے لئے اپنی جان کا نذرانہ پیش کیا اور ملک کو اکیسویں صدی میں لے جانے کے لئے کام کیا۔

ڈاکٹر گوپال باہیتی نے 21 مئی کو راجیو گاندھی کی برسی پر اپنے بیان میں کہا کہ نوجوانوں کو اقتدار میں لانے کا کریڈٹ راجیو گاندھی کو جاتا ہے۔ ان کی سوچ تھی کہ نوجوانوں کے ذریعہ حکومت دوگنی توانائی کے ساتھ چل سکتی ہے۔ انہوں نے دنیا میں ہندوستان کو سپر پاور بنانے کے لئے جو کام کیا ہے وہ نظر آتا ہے۔