بارش نے پھر دی دستک، آئی ایم ڈی کا ایلرٹ، اتراکھنڈ کے لیے 48 گھنٹے بھاری!
آئی ایم ڈی نے اتراکھنڈ کے لیے ایلرٹ جاری کیا ہے۔ اگلے 48 گھنٹوں میں وہاں موسلادھار بارش کا امکان ہے۔ اس کے علاوہ راجستھان اور پنجاب میں بھی بارش ہو سکتی ہے۔
![<div class="paragraphs"><p>فائل تصویر آئی اے این ایس</p></div>](https://media.assettype.com/qaumiawaz%2F2024-07%2F92281991-c20b-4dbd-95cf-5bc7653983ef%2FMysuru%20floods.jpeg?rect=0%2C0%2C1620%2C911&auto=format%2Ccompress&fmt=webp)
فائل تصویر آئی اے این ایس
ہندوستانی محکمہ موسمیات (آئی ایم ڈی) کی طرف سے اگلے دو تین دنوں کے لیے جاری کردہ موسمی الرٹ کچھ ریاستوں میں گرمی سے راحت پہنچانے والا ہے، جب کہ کچھ ریاستوں میں مسائل بڑھ سکتے ہیں۔اگر دہلی-این سی آر کی بات کریں تو یہاں کل یعنی 22 جولائی سے دوبارہ بارش ہوسکتی ہے۔ آئی ایم ڈی نے اگلے تین دنوں کے لیے دہلی کے لیے یلو ایلرٹ جاری کیا ہے۔ محکمہ موسمیات کا کہنا ہے کہ اتوار کو مطلع ابر آلود رہے گا اور کئی علاقوں میں ہلکی بارش ہو سکتی ہے۔ اس کے بعد 25 اور 26 جولائی کو ہلکی بارش ہو سکتی ہے۔
یہ بھی پڑھیں : ریتیکا ہڈا کوچ کے بغیر پیرس اولمپکس میں جانے پر مجبور!
محکمہ موسمیات کے مطابق اتوار سے مغربی اتر پردیش میں شدید بارش ہو سکتی ہے۔ بارش کا یہ سلسلہ آئندہ دو روز تک جاری رہے گا۔ آج اور کل مشرقی یوپی کے کئی اضلاع میں بوندا باندی ہوسکتی ہے۔ آئی ایم ڈی نے بجنور، امروہہ، مراد آباد، رام پور، بریلی، پیلی بھیت اور آس پاس کے علاقوں میں شدید بارش کا ایلرٹ جاری کیا ہے۔
نمی سے دوچار ہریانہ کے لوگوں کو اگلے تین چار دنوں میں راحت مل سکتی ہے۔ محکمہ موسمیات نے اتوار کی شام سے موسم میں تبدیلی کی پیش گوئی کی ہے۔ اس کے بعد اگلے تین سے چار روز تک بارش ہوسکتی ہے۔
آئی ایم ڈی نے راجستھان کو لے کر ایلرٹ بھی جاری کیا ہے۔ کوٹہ، بنڈی اور بیکانیر سمیت کئی علاقوں میں ہفتہ کو اچھی بارش ہوئی۔ محکمہ موسمیات نے آج سے اگلے تین روز تک موسلادھار بارش کی پیش گوئی کی ہے۔ اس کے علاوہ کچھ اضلاع میں موسلادھار سے بہت تیز بارش ہوسکتی ہے۔ آئی ایم ڈی نے کوٹا، ادے پور، اجمیر، جے پور اور بھرت پور سرکلوں میں زیادہ بارش کا الرٹ جاری کیا ہے۔
پنجاب کے حوالے سے آئی ایم ڈی نے بلیٹن جاری کرتے ہوئے کہا ہے کہ اتوار اور پیر کو 12 اضلاع میں شدید بارش ہو سکتی ہے۔ محکمہ موسمیات نے پوری ریاست کے لیے یلو الرٹ جاری کر دیا ہے۔ آئی ایم ڈی کا کہنا ہے کہ اگلے دو دنوں تک گرج چمک کے ساتھ تیز بارش ہوسکتی ہے۔ کئی مقامات پر تیز ہوائیں بھی چلیں گی۔
محکمہ موسمیات نے اتراکھنڈ کے لیے ریڈ الرٹ جاری کیا ہے۔ یہاں 48 گھنٹوں میں تیز بارش ہو سکتی ہے۔ کماؤن ڈویژن کے کئی اضلاع میں موسلادھار بارش کی پیش گوئی کی گئی ہے۔ اس کے علاوہ گڑھوال کے اضلاع میں پوڑی ضلع میں بھی شدید بارش کا خدشہ ظاہر کیا گیا ہے۔
Follow us: Facebook, Twitter, Google News
قومی آواز اب ٹیلی گرام پر بھی دستیاب ہے۔ ہمارے چینل (qaumiawaz@) کو جوائن کرنے کے لئے یہاں کلک کریں اور تازہ ترین خبروں سے اپ ڈیٹ رہیں۔