ریل یونین نے حکومت سے سبھی ریلوے ملازمین اور ان کے اہل خانہ کو جلد ٹیکہ لگانے کی اپیل کی

نئی دہلی: ریلوے ملازمین کی سب سے بڑی یونین نے حکومت سے مطالبہ کیا ہے کہ ملک کے تمام ریلوے ملازمین اوران کے اہل خانہ کو جلد ازجلد کووڈکا ٹیکہ لگوانے کے لئے اقدام کئے جائیں۔ آل انڈیا ریلوے مینز فیڈریشن (اے آئی آرایف) کے جنرل سکریٹری شیوگوپال مشرا نے آج وزیرریلوے پیوش گوئل سے ٹیلیفون پر بات کی اورکہا کہ ریلوے ملازمین بھی کورونا واریرس ہیں اوروبا میں جان جوکھم میں ڈال کر ریل خدمات کو تیزی سے آپریٹ کرنے اورآکسیجن ومال کی نقل وحمل میں تعاون دے رہے ہیں۔ ایسی صورت میں یہ ضروری ہے کہ انہیں اوران کے اہل خانہ کو جلد سے جلد کووڈکا ٹیکہ لگایا جائے۔

پیوش گوئل نے اس بات سے اتفاق ظاہر کرتے ہوئے کہا کہ انہوں نے ریلوے بورڈ کے چیئرمین اورچیف ایگزیکٹیو افسرکوریل ملازمین اوران کے اہل خانہ کی جلد ٹیکہ کاری کو یقینی بنانے کی ہدایت دی ہے۔ اس پر مشرا نے کہا کہ ریلوے بورڈ کے چیئرمین، زونل جنرل مینیجر اورڈویژنل ریلوے منیجر اس بارے میں سرگرم ہیں اوروہ ٹیکہ حاصل کرنے کی کوشش کررہے ہیں۔ لیکن ریاستی حکومتوں سے متوقع تعاون نہیں مل رہا ہے۔

یونین کے لیڈر نے کہا کہ وزیرریلوے اس معاملے کو سیاسی سطح پر حل کریں۔ وہ یاتو وزرائے اعلیٰ سے خود بات کرکے ریل ملازمین کے لئے ٹیکہ مہیاکرانے کو کہیں یا ریلوے خود ٹیکہ خرید کر اپنی سطح پر تمام ریلوے ملازمین اور ان کے اہل خانہ کی ٹیکہ کرای کرائے۔ اس پر وزیرریلوے نے کہا کہ وہ دونوں ہی متبادل پر فوری قدم اٹھائیں گے۔