’کھٹاکھٹ سے گھبرائے لوگوں کو عوام فٹافٹ ہٹا دے گی‘، رائے بریلی میں اکھلیش یادو کا پی ایم مودی پر حملہ
اکھلیش یادو نے کہا کہ جب سے بی جے پی والوں نے سنا ہے کہ انڈیا الائنس غریبوں کے لیے کام کرنے والا ہے اس وقت سے وہ راہل گاندھی کے ’کھٹاکھٹ‘ کی نقل کرنے لگے ہیں۔
![<div class="paragraphs"><p>اکھلیش یادو / آئی اے این ایس</p></div>](https://media.assettype.com/qaumiawaz%2F2024-05%2Fe59a272c-27f7-4038-a973-d84395231bfe%2F20240517122.jpeg?rect=0%2C0%2C747%2C420&auto=format%2Ccompress&fmt=webp)
اکھلیش یادو / آئی اے این ایس
لوک سبھا انتخابات 2024 کے لیے پانچویں مرحلے کی ووٹنگ 20 مئی کو ہونے والی ہے۔ اسی مرحلے میں رائے بریلی میں بھی ووٹنگ ہونی ہے جو ملک کی اہم سیٹوں میں سے ایک ہے۔ کانگریس کے سابق صدر راہل گاندھی اس سیٹ سے انتخابی میدان میں ہیں۔ آج جمعہ (17 مئی) کو انڈیا الائنس کے لیڈران نے رائے بریلی میں راہل گاندھی کے انتخابی جلسۂ عام سے خطاب کیا۔
اس جلسۂ عام میں سماجوادی پارٹی کے سربراہ اور یوپی کے سابق وزیر اعلیٰ اکھلیش یادو نے بھی راہل گاندھی کے لیے عوام سے ووٹ مانگے۔ اکھلیش یادو نے جلسۂ عام سے خطاب کرتے ہوئے کہا کہ بھارتیہ جنتا پارٹی کے لوگ بہت گھبرائے ہوئے ہیں۔ جب سے بی جے پی والوں نے سنا ہے کہ انڈیا الائنس غریبوں کے لیے کام کرنے والا ہے اس وقت سے وہ راہل گاندھی کے ’کھٹاکھٹ‘ کی نقل کرنے لگے ہیں۔
سماجوادی پارٹی کے سربراہ نے کہا کہ وہ کہتے ہیں کہ الیکشن کے بعد ہم بیرون ملک چلے جائیں گے لیکن ملک کے لوگ جانتے ہیں کہ انہوں نے اپنے کچھ اہم لوگوں کو ایک کے بعد ایک بیرون ملک بھیجا ہے۔ ان کے لوگ ایک کے بعد ’کھٹاکھٹ‘ بیرونِ ملک بھاگ گئے۔اکھلیش یادو نے مزید کہا کہ جو لوگ ملک کو بڑا بنانے کا خواب دکھا رہے تھے انہوں نے ملک کو قرضوں میں ڈبو دیا۔ جو کہتے تھے ’نہ کھاؤں گا اور نہ کھانے دوں گا‘ وہ سب ڈکار گئے۔ اس لیے آج ملک کی عوام ان سے کہہ رہی ہے کہ ہم آپ کو ہٹا دیں گے ’فٹافٹ-فٹافٹ‘۔
Follow us: Facebook, Twitter, Google News
قومی آواز اب ٹیلی گرام پر بھی دستیاب ہے۔ ہمارے چینل (qaumiawaz@) کو جوائن کرنے کے لئے یہاں کلک کریں اور تازہ ترین خبروں سے اپ ڈیٹ رہیں۔