پناما پیپر لیک معاملہ :ایشوریہ رائے بچن نے ای ڈی کے سامنے درج کرایا اپنا بیان
ای ڈی نوٹس جاری کر کے اس فہرست میں شامل تمام لوگوں سے پوچھ گچھ کر رہا ہے، اس فہرست میں ایشوریہ رائے کے سسر یعنی معروف اداکار امیتابھ بچن کا نام بھی شامل ہے۔
نئی دہلی: پناما پیپر لیک معاملے میں سابق مس ورلڈ اور اداکارہ ایشوریہ رائے بچن پیر کو دارالحکومت کے جام نگر ہاؤس میں واقع انفورسمنٹ ڈائریکٹوریٹ (ای ڈی) کے دفتر میں پیش ہوئیں اور اپنا بیان درج کرایا۔ ای ڈی نے آج ہی ایشوریہ بچن کو پیش ہونے کا نوٹس جاری کیا تھا کیونکہ وہ پہلے دوبار بھی اس طرح کے نوٹس پر پیش نہیں ہوپائیں تھیں۔
غیر ملکی سرمایہ کاری یا دولت رکھنے والے 500 ہندوستانیوں کی اس فہرست میں ایشوریہ بچن کا نام بھی شامل تھا۔ ای ڈی نوٹس جاری کر کے اس فہرست میں شامل تمام لوگوں سے پوچھ گچھ کر رہا ہے۔ اس فہرست میں ایشریہ بچن کے سسر اداکار امیتابھ بچن کا نام بھی شامل ہے۔
اداکار ابھیشیک بچن کی اہلیہ ایشوریہ بچن کو فارن ایکسچینج مینجمنٹ ایکٹ 1999 کے تحت نوٹس جاری کیا گیا تھا۔ اسپیشل انویسٹی گیشن ٹیم (ایس آئی ٹی) پناما پیپر لیک کیس کی تحقیقات کر رہی ہے جس میں ای ڈی، محکمہ انکم ٹیکس اور دیگر ایجنسیاں شامل ہیں۔
Follow us: Facebook, Twitter, Google News
قومی آواز اب ٹیلی گرام پر بھی دستیاب ہے۔ ہمارے چینل (qaumiawaz@) کو جوائن کرنے کے لئے یہاں کلک کریں اور تازہ ترین خبروں سے اپ ڈیٹ رہیں۔