رکشا بندھن پر خواتین کو نوئیڈا ٹریفک پولیس کا تحفہ، مفت میں ہیلمیٹ ملے گا اور چالان بھی نہیں ہوگا

پورے ملک میں رکشا بندھن کا تہوار دھوم دھام سے منایا جا رہا ہے۔ اس تہوار کو خاص بنانے اور خواتین میں ٹریفک بیداری بڑھانے کے لیے نوئیڈا ٹریفک پولیس نے ایک انوکھی پہل کی ہے۔  اس کے تحت آج یعنی 19 اگست کو خواتین کا چالان نہیں کاٹنے اور پولیس ٹیم کی طرف سے انہیں ہیلمیٹ تقسیم کرنے کا اعلان کیا گیا ہے۔

حکم کے مطابق نوئیڈا ٹریفک پولیس پیر کو رکشا بندھن کے موقع پر خواتین میں ٹریفک کے سلسلے میں بیداری پیدا کرنے کے لیے الگ الگ چوراہوں پر مہم چلائے گی۔ جس میں ٹریفک پولیس ایک بھائی کی طرح خواتین کے تحفظ کے لیے ہیلمیٹ کی تقسیم کرے گی۔ اس کے علاوہ ٹریفک پولیس کی طرف سے خواتین کا چالان بھی نہیں کاٹا جائے گا۔ چالان اس لیے نہیں کاٹا جا رہا ہے تاکہ وہ اپنے بھائیوں کو بغیر کسی رکاوٹ کے راکھی باندھ سکیں۔ واضح ہو کہ اس سے قبل اترپردیش کے وزیراعلیٰ یوگی آدتیہ ناتھ بھی ریاست کی خواتین کو راکھی کا تحفہ دے چکے ہیں جس کے تحت خواتین اس دن یوپی کی روڈویز کی بسوں میں مفت بس کا سفر کر سکتی ہیں۔