جیور ایئرپورٹ پروجیکٹ کے پاس زمین اور گھر کے نام پر دھوکہ دہی، 50 سے زائد افراد ٹھگی کے شکار

جمنا اتھارٹی کے جیور ایئرپورٹ پروجیکٹ کے آس پاس لوگوں کو زمین اور گھر دینے کے نام پر فرضی ویب سائٹس بنا کر دھوکہ دہی کی گئی ہے۔ فی الحال 50 سے زیادہ لوگوں کے ساتھ دھوکہ دہی کا پتہ چلا ہے۔ پولیس معاملے کی جانچ کر رہی ہے۔ دھوکہ دہی کا شکار ہونے والوں کی تعداد مزید بڑھنے کا امکان ظاہر کیا جا رہا ہے۔

نوئیڈا ایئرپورٹ اور فلم سٹی کے پاس رہائش پروجیکٹ کے نام پر لاکھوں روپے کی ٹھگی کا معاملہ سامنے آیا ہے۔ پانچ اور لوگوں نے پولیس میں شکایت کی ہے۔ ٹھگ نوئیڈا ایئرپورٹ اور فلم سٹی کے پاس گھر بنانے کا خواب دیکھنے والوں کو نشانہ بنا رہے ہیں۔ ٹھگوں نے جمنا اتھارٹی کی فرضی ویب سائٹ تیار کر رہائش پروجیکٹ کے نام پر لوگوں سے لاکھوں روپے ٹھگ لیے۔

گرینو ویسٹ منوج کی شکایت پر بسرکھ کوتوالی پولیس نے کیس درج کر جانچ کی تو تقریباً 50 لوگوں کو ٹھگنے کی بات سامنے آئی ہے۔ پولیس ملزمین کی گرفتاری کی کوشش میں مصروف ہو گئی ہے۔ جمنا اتھارتی نے نوٹس جاری کر لوگوں سے گزارش کی ہے کہ وہ فرضی ویب سائٹس سے بچیں اور جمنا اتھارٹی کی اصلی ویب سائٹ پر ہی جا کر کسی بھی اسکیم کی تلاش کریں اور ایپلائی کریں۔