ملک میں گزشتہ 24 گھنٹوں کے دوران 579 افراد ہلاک، کل متاثرین کی تعداد 75.50 لاکھ

نئی دہلی: ملک میں کورونا وائرس مریضوں کی تعداد میں لگاتار اضافہ کے ساتھ 75.50 لاکھ، جبکہ فعال کیسزکی تعداد کم ہوکر 7.72 لاکھ رہ گئی ہے۔ مرکزی وزارت صحت و خاندانی بہبود کی جانب سے پیر کے روز جاری تازہ ترین اعداد و شمار کے مطابق ملک میں گزشتہ 24 گھنٹوں کے دوران 55722 نئے کیسز رپورٹ ہوئے جس سے یہ تعداد بڑھ کر 7550273 ہوگئی۔ اسی عرصہ کے دوران 66399 مریضوں نے جان لیوا وبا کورونا کو شکست دی، جس سے ملک میں شفایاب ہونے والے کورونا مریضوں کی تعداد 66.63 لاکھ ہوچکی ہے۔

ایکٹیو کیسز 11256 سے گھٹ کر 772055 پر آگئے ہیں، تاہم صحت مند افراد کی تعداد نئے کیسز کے مقابلہ میں زیادہ ہے۔ مرنے والوں کی تعداد میں ایک دن کے اضافے کے بعد اس میں ایک بار پھر کمی واقع ہوئی اور اتوار کے روز اس کی تعداد 104 کے مقابلے میں 454 کم ہوکر 579 ہوگئی، جس کے نتیجے میں ہلاک شدگان کی مجموعی تعداد 114610 ہو چکی ہے۔ ملک میں شفایابی کی شرح 88 فیصد،ایکٹیو کیسز کی شرح 10.23 فیصد جبکہ اموات کی شرح اب بھی 1.52 فیصد ہے۔

ملک میں جان لیوا اور مہلک ترین عالمی وبا کورونا وائرس سے سب سے زیادہ متاثر ریاست مہاراشٹر ہے جہاں گزشتہ 24 گھنٹوں کے دوران ایکٹیو کیسز کی تعداد 2294 سے گھٹ کر مجموعی تعداد 1.83 لاکھ رہ گئی، جبکہ ہلاکتوں کی تعداد 150 سے بڑھ کر مجموعی تعداد 42115 ہوگئی ہے۔ اسی عرصے کے دوران ریاست میں 11204 افراد جان لیوا وبا سے شفایاب ہوئے جس سے صحت مند ہونے والے مریضوں کی تعداد 13.69 لاکھ ہوگئی۔

ملک کی جنوبی ریاست کرناٹک میں گزشتہ 24 گھنٹوں میں 1383 مریضوں کی کمی کی سے ایکٹیو کیسز کی تعداد 1.09 لاکھ رہ گئی ہے۔ ریاست میں اموات کی تعداد 10478 ہوچکی ہے اور اب تک 6.45 لاکھ مریض شفایاب ہوئے ہیں۔ ریاست آندھرا پردیش میں اسی عرصے کے دوران کورونا وائرس کے 628 مریضوں کی کمی کے ساتھ فعال کیسز کی تعداد 36474 رہ گئی۔ ریاست میں اب تک 6429 افراد ہلاک ہوچکے ہیں، جبکہ 7.44 لاکھ سے مریض شفایاب ہوئے ہیں۔

آبادی کے لحاظ سے ملک کی سب سے بڑی ریاست اتر پردیش میں اسی عرصے کے دوران کورونا کے 1524 مریض کم ہوئے، جس سے فعال کیسز کی تعداد 34866 رہ گئی جبکہ ریاست میں اب تک 6658 کورونا مریضوں کی موت اور 4.15 لاکھ سے زائد شفایاب ہوچکے ہیں۔ ریاست تمل ناڈو میں ایکٹیو کیسز کی تعداد 39121 اور 10642 افراد ہلاک ہوچکے ہیں۔

جب کہ ریاست میں اب تک 6.37 لاکھ سے زائد کورونا مریض شفایاب ہوئے ہیں۔ ریاست کیرالہ میں ایکٹیو کیسزکی تعداد 95299 ہوگئی ہے اور 1161 افراد لقمہ اجل بن چکے ہیں جبکہ صحت مند افراد کی تعداد 2.45 لاکھ ہوگئی ہے۔ ریاست اوڈیشہ میں کورونا وائرس کے 20392 کیسز ہیں اور 1135 اموات ہوچکی ہے جبکہ جان لیوا وبا سے شفایابی حاصل کرنے والوں کی تعداد 2.46 لاکھ ہوگئی ہے۔

قومی دارالحکومت دہلی میں اسی عرصے کے دوران ایکٹیو کیسز کی تعداد میں ایک بار 408 مریضوں کا اضافہ ہوا ہے، جس سے مجموعی تعداد 23292 ہوگئی ہے۔ وہیں قومی راجدھانی میں جان لیوا وبا سے اب تک 6009 مریضوں کی موت ہوچکی ہے، جبکہ اب تک تین لاکھ سے زیادہ مریض شفایاب ہوئے ہیں۔ ریاست تلنگانہ میں کورونا وائرس کے 21098 فعال کیسزہیں اور 1275 افراد کی موت ہوچکی ہے جبکہ اس وبا سے دو لاکھ سے زائد افرادشفایاب ہوئے ہیں۔ ریاست مغربی بنگال میں کورونا وائرس کے 33927 فعال کیسز ہیں اور 6056 افراد لقمہ اجل بن چکے ہیں، جبکہ اب تک 2.81 لاکھ سے زائد شفایاب ہوئے ہیں۔