یوم آزادی پر وزیراعلیٰ ہیمنت سورین نے جیل میں لکھی ہوئی نظم شیئر کی

جھارکھنڈ کے وزیر اعلیٰ ہیمنت سورین آج یوم آزادی کے موقع پر پرچم کشائی کریں گے۔ اس سے قبل وزیراعلیٰ نے جیل میں لکھی گئی نظم کو سوشل میڈیا پر شیئر کیا ہے۔

ملک آج 78 واں یوم آزادی منا رہا ہے۔ ایسے میں آج ملک بھر میں جشن کا ماحول ہے۔ یوم آزادی تمام ہندوستانیوں کے لیے ایک قابل فخر لمحہ ہے۔ دریں اثنا، جہاں ہندوستان کا ہر شہری اس یوم آزادی کو لے کر جوش و خروش میں ڈوبا ہوا ہے، وہیں اس بار جھارکھنڈ کے وزیر اعلیٰ ہیمنت سورین نے بہت ہی خاص انداز میں یوم آزادی کی مبارکباد دی ہے۔

وزیر اعلیٰ  ہیمنت سورین نے اپنی سوشل میڈیا سائٹ ’ایکس‘ پر جیل میں لکھی اپنی ایک نظم شیئر کرکے ہم وطنوں کو 78ویں یوم آزادی کی مبارکباد دی ہے۔ انھوں نے لکھا کہ انھوں نے جیل میں قید تنہائی میں اپنی عظیم قوم کے لیے کچھ سطریں لکھی ہیں۔

"پیارے ملک،

جہاں ہر کوئی پھل پھول سکتا ہے اور رہ سکتا ہے،

ذات پات، نفرت اور تعصب کے طوق سے آزاد ہو۔

مذہبی ظلم و ستم کا خاتمہ ہونا چاہیے، ہم ساتھ کھڑے ہیں،

ہر بحران میں متحد، ہر خوشی کے تہوار میں ایک رنگ، ساتھ

ہم ہندوستانی اس وسیع دنیا میں جہاں بھی جائیں،

ہمارے دل آپ کے لیے دھڑکتے رہیں، ہم ہمیشہ آپ کی مدح سرائی کرتے رہیں۔

ہمارا گھر، ہماری طاقت، ہمارا فخر،

ہمارا پیارا ملک۔"

واضح رہے کہ رانچی یوم آزادی کے رنگوں میں رنگا ہوا ہے۔ تمام اداروں اور دفاتر میں یوم آزادی کی تیاریاں مکمل کر لی گئی ہیں۔ اسمبلی بلڈنگ اور ہائی کورٹ سمیت تمام سرکاری دفاتر کو سجا دیا گیا ہے۔