ہولی کے موقع پر مسافروں کی بڑی تعداد متوقع، ریلوے کا 540 اضافی ٹرینیں چلانے کا اعلان
ہولی کے موقع پر مسافروں کی بڑی تعداد کے پیش نظر، ریلوے نے 540 اضافی ٹرینیں چلانے کا اعلان کیا ہے۔ ٹرینوں کی بلا تعطل سروس کو یقینی بنانے کے لئے افسران کو ایمرجنسی ڈیوٹی پر بھی تعینات کیا جائے گا
ریل، فائل تصویر آئی اے این ایس
ہولی کے تہوار کے پیش نظر ٹرینوں میں مسافروں کی بڑی تعداد کے سفر کرنے کی توقع ہے۔ کئی بار ٹرین میں حالات قابو سے باہر نہ ہوں اس کے لیے وزارت ریلوے نے پوری تیاری کر لی ہے۔ رپورٹ کے مطابق ریلوے نے 540 اضافی ٹرینیں چلانے کا فیصلہ کیا ہے، تاکہ مسافروں کے رش کو کنٹرول کیا جا سکے۔
دہلی-پٹنہ، دہلی-بھاگلپور، دہلی-مظفر پور، دہلی-سہرسہ، گورکھپور-ممبئی، کولکاتا-پوری، گوہاٹی-رانچی، نئی دہلی-شری ماتا ویشنو دیوی جیسے ریلوے راستوں پر ملک بھر میں اہم مقامات کو جوڑنے کے لیے ٹرینیں چلائی گئیں۔ سرکاری بیان کے مطابق گزشتہ سال کے مقابلے اس تہوار کے سیزن کے لیے 219 مزید خدمات کا انتظام کیا گیا ہے۔
ریلوے پروٹیکشن فورس (آر پی ایف) کے عملے کی نگرانی میں ٹرمینس اسٹیشنوں پر قطاریں بنا کر ہجوم پر قابو پانے کے اقدامات کو یقینی بنایا جا رہا ہے تاکہ غیر محفوظ کوچوں میں مسافروں کے منظم طریقے سے داخلہ ہو سکے۔
مسافروں کی حفاظت کو یقینی بنانے کے لیے بڑے اسٹیشنوں پر اضافی آر پی ایف اہلکاروں کو تعینات کیا گیا ہے۔ ٹرینوں کے چلانے کو یقینی بنانے کے لیے افسران کو بڑے اسٹیشنوں پر ایمرجنسی ڈیوٹی پر تعینات کیا گیا ہے۔ ٹرین سروس میں کسی قسم کی رکاوٹ کو ترجیحی بنیادوں پر دور کرنے کے لیے مختلف سیکشنز میں عملہ تعینات کیا گیا ہے۔
بیان میں کہا گیا ہے کہ پلیٹ فارم نمبروں کے ساتھ ٹرینوں کی آمد/روانگی کے بار بار اور بروقت اعلان کے لیے بھی اقدامات کیے گئے ہیں۔
Follow us: Facebook, Twitter, Google News
قومی آواز اب ٹیلی گرام پر بھی دستیاب ہے۔ ہمارے چینل (qaumiawaz@) کو جوائن کرنے کے لئے یہاں کلک کریں اور تازہ ترین خبروں سے اپ ڈیٹ رہیں۔