دہلی شراب پالیسی معاملہ: سنجے سنگھ کی درخواست ضمانت اور گرفتاری کو چیلنج کرنے والی عرضی پر سپریم کورٹ میں آج سماعت

سنگھوی نے عدالت میں کہا تھا کہ اپروور کی گواہی اس وقت تک قابل اعتماد نہیں ہے جب تک اس کی تصدیق نہ ہو جائے۔ سنجے سنگھ کا نام پہلی بار دنیش اروڑہ کے بیان میں آیا، جو 19 جولائی 2023 کو اپروور بنے۔ 164 کے بیان میں بھی نام نہیں لیا گیا۔ سنجے سنگھ نے ای ڈی کے خلاف (ہتک عزت) کی شکایت درج کرائی، اور پھر ای ڈی نے انہیں بغیر کسی سمن کے گرفتار کر لیا۔‘‘

ہائی کورٹ نے 7 فروری کو سنگھ کی ضمانت کی عرضی کو مسترد کر دیا تھا لیکن ٹرائل عدالت کو ہدایت کی تھی کہ سماعت شروع ہونے کے بعد اس میں تیزی لائی جائے۔ سنجے سنگھ دہلی سے راجیہ سبھا کے لیے دوبارہ منتخب ہوئے ہیں۔ انفورسمنٹ ڈائریکٹوریٹ نے سنگھ کو اس معاملے میں 4 اکتوبر 2023 کو گرفتار کیا تھا۔

دہلی کے وزیر اعلی اروند کیجریوال بھی دہلی شراب پالیسی سے متعلق منی لانڈرنگ کیس میں تہاڑ جیل پہنچ گئے ہیں۔ سنجے سنگھ، منیش سسودیا اور کے کویتا اس معاملے میں پہلے ہی جیل میں ہیں۔ کیجریوال کو انفورسمنٹ ڈائریکٹوریٹ نے 21 مارچ کو گرفتار کیا تھا اور وہ 10 دن تک اس کی تحویل میں رہے۔ انفورسمنٹ ڈائریکٹوریٹ کی حراست ختم ہونے کے بعد انہیں خصوصی جج کاویری باویجا کی عدالت میں پیش کیا گیا۔ ای ڈی نے ان کی 15 دن کی عدالتی تحویل کا مطالبہ کرتے ہوئے کہا کہ انہوں نے 'بالکل تعاون نہیں کیا'۔ جس پر عدالت نے ای ڈی کی درخواست کو قبول کر لی۔