وی کے سکسینہ نے پانی کے بحران پر کیجریوال کو کھلا خط لکھا

دہلی کے لیفٹیننٹ گورنر ونے کمار سکسینہ نے کل وزیر اعلی اروند کیجریوال کو ایک کھلا خط لکھ کر پانی کے بحران کے لیے عام آدمی پارٹی حکومت کی ناکامی کو ذمہ دار ٹھہرایا۔

اروند  کیجریوال کو لکھے گئے خط میں لیفٹیننٹ گورنر سکسینہ نے کہا کہ موجودہ حالات میں عآپ سے براہ راست رابطہ ممکن نہیں ہے، اس لیے وہ کھلا خط لکھ رہے ہیں۔ انہوں نے کہا کہ پانی کے مسئلہ کو اجاگر کرتے ہوئے وزیر آتشی نے نو سال سے زیادہ عرصہ سے اپنی ہی حکومت کو مورد الزام ٹھہرایا ہے۔ اس کا نوٹ پہلی نظر میں گزشتہ 10 سالوں میں اپنی ہی حکومت کی بے عملی اور نااہلی کا اعتراف ہے۔

لیفٹیننٹ گورنر نے کہا کہ کابینہ کی وزیر آتشی کا خط مجھ تک پہنچنے سے پہلے ہی سوشل میڈیا اور میڈیا پلیٹ فارم پر پہنچ گیا تھا۔ انہوں نے اپنے تنگ اور متعصب سیاسی مقاصد کی تکمیل کے لیے مشرقی دہلی میں خاتون کی ہلاکت کے افسوس ناک واقعے کو منتخب کیاہے۔ اس طرح کی مثالیں پچھلے دس سال میں میڈیا میں سال بہ سال بڑے پیمانے پر رپورٹ ہوتی رہی ہیں۔ دارالحکومت میں پانی کا مسئلہ، خاص طور پر کچی آبادیوں میں جہاں غریب لوگ رہتے ہیں، پچھلی دہائی میں مزید سنگین ہو گیا ہے۔

قابل ذکر ہے کہ لیفٹیننٹ گورنر سکسینہ نے یہ خط دہلی حکومت کی وزیر محترمہ آتشی کا خط سامنے آنے کے بعد لکھا ہے۔ دراصل شاہدرہ میں پانی بھرنے کے دوران لڑائی میں ایک خاتون کی موت ہوگئی تھی ۔ اس کے بعد آتشی نے لیفٹیننٹ گورنر وی کے سکسینہ کو خط لکھا۔ خط میں آتشی نے دہلی جل بورڈ کے سی ای او کو معطل کرنے کا مطالبہ کیا تھا۔