فضائی آلودگی بڑھنے کے بعد دہلی کے تمام پرائمری اسکولوں میں آن لائن کلاسز: وزیر اعلیٰ آتشی کا فیصلہ

دہلی میں آلودگی کی وجہ سے حالات روز بروز بگڑتے جارہے ہیں۔ اس کے پیش نظر دہلی کے تمام پرائمری اسکول اب آن لائن موڈ پر چلیں گے۔ بڑھتی آلودگی کی وجہ سے وزیر اعلیٰ آتشی نے  یہ حکم جاری کیا ہے۔ اگلے احکامات تک دہلی کے تمام پرائمری اسکول صرف آن لائن موڈ پر چلیں گے۔ قومی دارالحکومت نئی دہلی میں، جمعرات کی صبح اوسط اے کیو آئی430 ریکارڈ کیا گیا، جو سنگین زمرے میں آتا ہے۔ جبکہ بدھ کو اوسط اے کیو آئی 349 ریکارڈ کیا گیا۔

آلودگی تشویشناک سطح تک پہنچنے کے بعد دہلی-قومی دارالحکومت علاقہ (این سی آر) میں گریپ فیز-3 کے تحت پابندیاں عائد کر دیں۔ قومی راجدھانی میں ہوا کا معیار جمعرات کو لگاتار دوسرے دن ’سنگین‘ زمرے میں رہا، جس سے حکام کو آلودگی کے خلاف سخت اقدامات نافذ کرنے پر مجبور کیا گیا جو جمعہ سے نافذ العمل ہوں گے۔

آتشی، جو محکمہ تعلیم کا کام بھی دیکھ رہے ہیں، نے ایکس  پر لکھا، "بڑھتی ہوئی آلودگی کی سطح کی وجہ سے، دہلی کے تمام پرائمری اسکول اگلی ہدایات تک آن لائن کلاسز کا انعقاد کریں گے۔" سی اے کیو ایم نے گریجوئل ریسپانس ایکشن پلان (GRAP) کے تیسرے مرحلے کے تحت کچھ پابندیاں عائد کی ہیں، جن میں تعمیراتی سرگرمیوں پر پابندی بھی شامل ہے۔

مرکزی آلودگی اور کنٹرول بورڈ (سی پی سی بی) کے مطابق، دارالحکومت دہلی میں جمعرات کی صبح 7:15 بجے تک اوسط اے کیو آئی 430 پوائنٹس رہا۔ جو کہ سنگین زمرے میں آتا ہے۔ وہیں دہلی این سی آر شہر فرید آباد میں 284، گروگرام 309، غازی آباد 375، گریٹر نوئیڈا 320 اور نوئیڈا 367 ہے۔