آئی پی ایل 2020: دہلی مضبوط ٹیم لیکن ہم بہتر کارکردگی کریں گے، ریان پراگ

دبئی: راجستھان رائلز کے بلے باز ریان پراگ کا کہنا ہے کہ اگرچہ دہلی کیپٹلز کی ٹیم مضبوط ہے لیکن ان کی ٹیم بہتر کارکردگی کا مظاہرہ کرے گی۔ پراگ نے آخری میچ میں سن رائزرس حیدرآباد کے خلاف ناقابل شکست 42 رنز بنائے تھے اور اپنی ٹیم کی جیت میں اہم کردار ادا کیا تھا۔ آئی پی ایل کا میچ بدھ کو راجستھان اور دہلی کے درمیان کھیلا جائے گا۔

ریان پراگ نے کہا کہ ہم اچھا کھیل رہے ہیں لیکن کچھ چھوٹی غلطیوں کی وجہ سے ہم آخری چند میچوں میں ہارے ہیں۔ دہلی کی ٹیم مضبوط ہے لیکن ہمیں یقین ہے کہ ہماری ٹیم ان کے خلاف بہتر کارکردگی کا مظاہرہ کرے گی۔ ہم نتائج سے زیادہ عمل پر مرکوز ہیں اور آئندہ میچوں کے لئے سخت محنت کر رہے ہیں۔

ٹیم کے بائیں ہاتھ کے فاسٹ بالر جے دیو انادکت نے کہا کہ ہمارے لئے حیدرآباد کے خلاف جیتنا بہت ضروری تھا اور ہم ٹیم سے اچھی کارکردگی کے ساتھ اس تال کو برقرار رکھنے کی توقع کریں گے۔ ہمارا ارادہ ہے کہ ہم میدان میں فرد اور ٹیم کی حیثیت سے اپنا بہترین کام انجام دیں۔ ہماری توجہ دہلی کے خلاف اگلے میچ میں اس پر مرکوز ہوگی۔