تائیوان: عمارت میں آگ لگنے سے 9 افراد ہلاک، 44 زخمی

بیجنگ: تائیوان کے جنوبی شہر کاؤ شونگ میں جمعرات کو ایک 13 منزلہ عمارت میں زبردست آگ لگنے سے نو افراد ہلاک ہو گئے، جبکہ 44 دیگر زخمی ہوگئے۔ سینٹرل خبر رساں ایجنسی کے مطابق، عمارت جو جزوی طور پر تجارتی اور جزوی طور پر رہائشی ہے، تقریباً 2:54 بجے آگ لگ گئی۔ صبح 7:17 بجے آگ پر قابو پالیا گیا 159 فائر فائٹرز نے آپریشن میں حصہ لیا۔

آگ سب سے پہلے گراؤنڈ فلور پر لگی اور فوراً پوری عمارت کو زد میں لے لیا۔ حکام نے بتایا کہ 100 سے زائد افراد رہائشی اپارٹمنٹس میں رہتے تھے اور ان میں سے کئی بزرگ شہری تھے جنہیں عمارت سے نکلنے میں دشواری کا سامنا کرنا پڑتا ہے۔ تلاش اور ریسکیو آپریشن ابھی جاری ہے۔