نوبل انعام یافتہ ماہر اقتصادیات و نفسیات ڈینیئل کاہنمین کا 90 سال کی عمر میں انتقال

خبر رساں ایجنسی نے اسرائیلی صدر کے حوالے سے کہا، ’’کاہنیمن کی موت کے بعد بھی انسانیت کی بھلائی کے لیے ان کی خدمات کو فراموش نہیں کیا جا سکتا۔‘‘ قابل ذکر ہے کہ کاہنیمن کو 2002 میں غیر یقینی حالات میں فیصلہ سازی پر توجہ دینے کے حوالہ سے تحقیق پر نوبل انعام سے نوازا گیا تھا۔

کاہنمین یروشلم کی عبرانی یونیورسٹی میں سنٹر فار دی اسٹڈی آف ریشنلٹی کے فیلو تھے، یونیورسٹی کے شعبہ نفسیات کے رکن اور کئی بڑی امریکی یونیورسٹیوں میں پروفیسر اور محقق تھے۔

کاہنمین نے عقلیت کے بارے میں ان مفروضوں کو مسترد کر دیا تھا جو دہائیوں سے معاشیات پر حاوی تھے۔ انہوں نے متعدد حیران کن رویوں کے پیچھے منطق کو کامیابی کے ساتھ ظاہر کیا تھا، مثلاً کیوں لوگ ایسے اسٹاک کو فروخت کرنے سے انکار دیتے ہیں جن کی قیمت ختم ہو چکی ہے، یا وہ ایک چھوٹی چیز پر پیسہ بچانے کے لیے تو دور دراز کی دکان پر جاتے ہیں لیکن کسی مہنگی چیز پر اتنی ہی بچت کرنے کے لیے کیوں نہیں جاتے؟