نائیجیریا میں طیارہ حادثہ، فوجی سربراہ جنرل ابراہیم سمیت 12 افراد ہلاک

ابوجہ: نائیجیریا کی وسطی ریاست کادونا میں پیش آنے والے طیارہ حادثے میں فوجی سربراہ لیفٹیننٹ جنرل ابراہیم الطاہرو کی موت ہوگئی ہے۔ یہ اطلاع فوج نے ایک بیان میں دی ہے۔ نائیجیریا فوج نے اپنے آفیشل ٹوئٹر پیج پر کہا کہ ’’فوج کو یہ اعلان کرتے ہوئے بہت افسوس ہو رہا ہے کہ ایک طیارہ حادثہ میں ہمارے فوجی سربراہ لیفٹیننٹ جنرل ابراہیم الطاہرو کی موت ہوگئی ہے۔‘‘

بتایا جاتا ہے کہ یہ طیارہ حادثہ ریاست کادونا میں پیش آیا، جس میں پائلٹ کے علاوہ 10 اہلکار بھی جاں بحق ہوگئے ہیں۔ وینگارڈ نیوز ایجنسی کے مطابق طیارہ کے حادثے میں مجموعی طور پر 12 افراد ہلاک ہوئے ہیں۔ طیارہ حادثے کی وجوہات کا ابھی تک پتہ نہیں چل سکا ہے۔