منگولیا میں دھول بھری آندھی کا قہر، 6 افراد ہلاک، 80 سے زائد لاپتہ

الان بٹور: منگولیا میں گزشتہ ایک ہفتے کے دوران دھول بھری آندھی کی وجہ سے ایک بچے سمیت 6 افراد ہلاک اور 80 سے زائد افراد لاپتہ ہوگئے ہیں۔ دھول بھری آندھی کے قہر سے متعلق خبر مقامی میڈیا نے حکام کے حوالے سے دی ہیں۔ سی جی ٹی این نیوز براڈکاسٹر کے مطابق منگولیا کے ایمرجنسی ڈیپارٹمنٹ کو ہفتے کے آخر میں 548 افراد کے لاپتہ ہونے کی اطلاعات موصول ہوئی ہیں جن میں سے 467 افراد کی ابھی بھی تلاش کی جا رہی ہے۔

موصولہ خبروں کے مطابق طوفان میں پانچ چرواہے اور ایک بچہ جاں بحق ہوگیا۔ باقی 81 افراد کی تلاش کے لئے ریسکیو آپریشن جاری ہے۔ منگولیا میں دھول کے طوفان سے چین کا دارالحکومت بیجنگ بھی متاثر ہوا ہے۔ گلوبل ٹائمز کی رپورٹ کے مطابق، بیجنگ میں حد بصارت کم ہونے کی وجہ سے 400 سے زیادہ پروازیں ملتوی کر دی گئیں۔