فلم 'بھابھی جی گھر پر ہیں' ایک صحت مند تفریحی فلم ہوگی، شوٹنگ شروع

بھوجپوری فلم 'بھابھی جی گھر پر ہیں' کی شوٹنگ شروع ہوگئی ہے فلم 'بھابھی جی گھر پر ہیں' میں رنکو گھوش، دیو سنگھ، گورو جھا اور سنچیتا بنرجی مرکزی کردار میں ہیں۔ پروڈیوسر پردیپ سنگھ اور پرتیک سنگھ کی فلم 'بھابھی جی گھر پر ہیں' کی ہدایت کاری اجے کمار جھا کررہے ہیں۔

پردیپ سنگھ نے بتایا کہ فلم 'بھابھی جی گھر پر ہیں' ایک صحت مند تفریحی فلم ہوگی۔ انہوں نے بتایا کہ وہ  اسے بڑے پیمانے پر پروڈیوس کر رہے ہیں۔ یہ فلم ناظرین کو بہت محظوظ کرے گی اورفلم کے ساتھ ناظرین خود کو کنیکٹ بھی کرسکیں گے۔ فلم میں گانے اور میوزک بھی اچھے ہیں۔ اس طرح کی فلمیں بھوجپوری سنیما کا گراف بڑھانے والی ہیں۔ ہماری کوشش ہے کہ شائقین کو فلم پسند آئے، کیونکہ ہم شائقین کے لیے فلم بنا رہے ہیں۔

رنکو گھوش نے بتایا کہ ایک اچھی کہانی والی فلم اداکاروں کو اپنی طرف کھینچ ہی لاتی ہے، یہی وجہ ہے کہ آج وہ اس فلم میں ہیں۔ انہوں نے کہا کہ ’میں اپنے فطری انداز میں اپنا کردار ادا کر رہی ہوں اور مجھے امید ہے کہ ناظرین کو یہ بہت پسند آئے گا۔‘ دریں اثناء اداکار گورو جھا نے کہا کہ فلم دلچسپ ہے اور میں اسے کرنے کے لیے پہلے دن سے ہی پرجوش تھا۔ اب فائنلی فلم کی شوٹنگ شروع ہو گئی ہے۔ یہ فلم ناظرین کے دل جیتنے والی ہے۔

ورلڈ وائیڈ فلم پروڈکشن کے بینر تلے بننے والی فلم 'بھابھی جی گھر پر ہیں' کے رائٹر اروند تیواری ہیں۔ فلم میں رنکو گھوش، دیو سنگھ، گورو جھا، سنچیتا بنرجی، کے کے گوسوامی، رنکو بھارتی، سویتا ورما، راکیش بابو مرکزی کردار میں ہیں۔