کرن جوہر کی فلم کِل میں زبردست ایکشن ہوگا

بالی ووڈ فلمساز کرن جوہر کی فلم’ کل‘ میں زبردست ایکشن نظر آئے گا۔دھرما پروڈکشن، جو روایتی طور پر اپنے رومانٹک ڈراموں اور خاندان پر مبنی فلموں کے لیے مشہور ہے، نے اپنے معمول کے طرز سے ہٹ کر 99 منٹ کی تھرلر’ کِل ‘تیار کر کے ایک جرات مندانہ قدم اٹھایا ہے۔ اس نئی فلم میں زبردست ایکشن اور خون خرابہ ہے، جو دھرما کی کثیر جہتی صلاحیت اور کہانی سنانے کی مختلف شکلوں کو تلاش کرنے کی خواہش کو ظاہر کرتا ہے۔

کرن جوہر نے کہا کہ کِل اپنی نوعیت کی پہلی فلم ہے۔ ہم روایتی طور پر محبت کی کہانیاں اور ڈرامے بناتے ہیں۔ یہ ایک طرز کی فلم ہے، جو 99 منٹ کی ہے۔دھرما پروڈکشن کے سی ای او اپوروا مہتا نے کہا، "ہم نے فلم کِل کے ساتھ وہ سب کچھ کیا ہے جو ہم نے اتنے سالوں میں نہیں کیا۔

کِل کو گنیت مونگا کپور کی سکھیا انٹرٹینمنٹ نے بھی پروڈیوس کیا ہے اور یہ ان کی پہلی ایکشن فلم بھی ہے۔ گنیت مونگا نے کہا کہ یہ میری پہلی بار کی باگل پن بھری ایکشن فلم ہے۔ یہ ہندوستان کی سب سے پرتشدد اور خونی فلم ہے۔

کِل میں لکشیا، تانیا مانکتالا اور راگھو جویال مرکزی کردار میں کیے ہیں۔ نکھل ناگیش بھٹ کی ہدایت کاری میں بننے والی ایکشن فلم کِل کو کرن جوہر کی دھرما پروڈکشن اور گنیت مونگا کپور کی سکھیا انٹرٹینمنٹ نے پروڈیوس کیا ہے۔ یہ فلم 05 جولائی کو ریلیز ہونے والی ہے۔