غزہ میں اسرائیلی فضائی حملے میں نو افراد ہلاک
دوسری جانب اسرائیلی فوج کے ترجمان اویچائے ادرائی نے اتوار کو کہا کہ غزہ کے جنوبی شہر رفح سمیت جنوبی غزہ پٹی میں لڑائی جاری ہے۔
![<div class="paragraphs"><p>فائل تصویر آئی اے این ایس</p></div>](https://media.assettype.com/qaumiawaz%2F2024-06%2F4455f518-9f0b-454c-836f-0f6a68f8424a%2Fgaza_21_may.jpg?rect=0%2C0%2C2000%2C1125&auto=format%2Ccompress&fmt=webp)
فائل تصویر آئی اے این ایس
عیدالاضحیٰ سے ایک دن قبل وسطی غزہ میں البریج پناہ گزین کیمپ پر اسرائیلی فضائی حملے میں کم از کم نو فلسطینی ہلاک ہوگئے فلسطینی طبی ذرائع نے اتوار کو نام ظاہر نہ کرنے کی شرط پر بتایا کہ فضائی حملوں میں دو رہائشی مکانات کو نشانہ بنایا گیا، جس میں چھ بچوں سمیت نو افراد ہلاک اور متعدد زخمی ہوئے۔
یہ بھی پڑھیں : مودی کو موہن بھاگوت کی کھری کھری...سہیل انجم
اس حملے میں زخمی ہوئے افراد کو علاج کے لیے اسپتال میں داخل کرایا گیا ہے ۔غزہ میں حماس کے زیر انتظام محکمہ صحت کے افسران نے بتایا کہ اتوار تک غزہ پٹی پر جاری اسرائیلی حملوں میں ہلاک ہونے والے فلسطینیوں کی تعداد 37337 ہو گئی ہے جب کہ 85299 افراد زخمی ہوئے ہیں۔
دوسری جانب اسرائیلی فوج کے ترجمان اویچائے ادرائی نے اتوار کو کہا کہ غزہ کے جنوبی شہر رفح سمیت جنوبی غزہ پٹی میں لڑائی جاری ہے۔ انہوں نے کہا کہ جس سڑک سے سامان گزرتا ہے وہ انسانی امداد کے لیے صرف دن کی روشنی میں کھلی رہے گی۔
Follow us: Facebook, Twitter, Google News
قومی آواز اب ٹیلی گرام پر بھی دستیاب ہے۔ ہمارے چینل (qaumiawaz@) کو جوائن کرنے کے لئے یہاں کلک کریں اور تازہ ترین خبروں سے اپ ڈیٹ رہیں۔