سعودی عرب میں 13 لاکھ 40 ہزار عازمین حج کی آمد

سعودی عرب کے جنرل ڈائریکٹوریٹ برائے پاسپورٹس کے مطابق سعودی عرب میں پیر کی رات تک 13 لاکھ 42 ہزار 351 عازمین حج بری، بحری اور فضائی دوریوں کو عبور کرتے ہوئے مملکت پہنچ گئے ہیں۔

سعودی عرب کی سرکاری خبر رساں ایجنسی 'ایس پی اے' نے ڈائریکٹوریٹ کی جانب سے جاری اعداد وشمار جاری کرتے ہوئے بتایا کہ ائیرپورٹس پر آنے والے عازمین حج کی تعداد 12 لاکھ 80 ہزار 240 تک پہنچ گئی ہے جبکہ زمینی راستوں سے 57 ہزار 463 عازمین مملکت سعودی عرب میں پہنچ گئے ہیں۔ اس کے علاوہ چار ہزار 648 افراد بحری سفر مکمل کر کے سعودی بندرگاہوں پر پہنچے ہیں۔

سعودی عرب میں حج کی عبادات 26 جون سے شروع ہوں گی۔ سعودی حکومت کے اندازے کے مطابق رواں سال 26 لاکھ افراد حج کے مناسک ادا کریں گے۔