ویڈیو: راہل کا مودی پر حملہ، ’رافیل کے سوال پر آنکھیں نہیں ملا پاتا چوکیدار‘

کانگریس صدر راہل گاندھی نے منگل کے روز وزیر اعظم نریندر مودی پر سخت حملہ بولا۔ انہوں نے کہا کہ پارلیمان میں جب وہ رافیل پر سوال پوچھتے ہیں تو چوکیدار آنکھیں نہیں ملاتا۔ کبھی وہ نیچے دیکھتا ہے، کبھی اِدھر دیکھتا ہے اور کبھی اُدھر دیکھتا ہے۔‘‘

راہل گاندھی نے گندے نالے سے گیس نکالنے کے وزیر اعظم مودی کے دعوے پر طنز کرتے ہوئے کہا کہ ’’مودی جی اب آپ کے سامنے اسٹیل کا برتن لگا کر دیکھیں کہ گیس نکلتی ہے یا نہیں۔‘‘ انہوں نے کہا کہ سابق وزیر دفاع منوہر پاریکر نے کہا کہ رافیل سودے میں تبدیلی کی بات وزیر اعظم نے انہیں نہیں بتائی تھی۔