ویڈیو... دعوے ہیں کہ سب کچھ ٹھیک ہے لیکن سب کچھ ٹھیک نہیں ہے: انل چودھری

دہلی پردیش کانگریس کمیٹی کے صدر انل چودھری کا کہنا ہے کہ وزیر اعظم نریندر مودی اور دہلی کے وزیر اعلی اروند کیجریوال نے نعرہ دیا تھا کہ جہاں جھگی وہیں مکان، لیکن دونوں میں سے کسی نے ان جھگی والوں کے لئے نہ تو متبال رہائش کا انتظام کیا اور نہ ہی گزشتہ سات سالوں میں ان کے تعلق سے کچھ کیا۔

قومی آواز کے ساتھ ایک خصوصی انٹرویو میں انل چودھری نے کہا کہ دونوں حکومتیں یعنی مرکز میں مودی کی قیادت والی اور دہلی میں کیجریوال کی قیادت والی حکومت نے کسی بھی معاملہ میں عوام کے لئے کچھ نہیں کیا۔ انہوں نے کہا کہ کورونا بیماری بھگوان کی دی ہوئی نہیں ہے بلکہ ہمارے یہاں یہ حکومت کے ذریعہ اپنائی گئی ہے۔ اس کی وجہ سے معیشت اور سماج کو جو نقصان پہنچ رہا ہے اور جس طرح جانچ کے لئے پیسے نہ ہونے کی وجہ سے لوگ خودکشی کر ہے ہیں، اس سے صاف ظاہر ہے کہ سب کچھ صحیح نہیں ہے چاہے لاکھ کہا جائے کہ سب کچھ نارمل ہے اور سب کچھ صحیح ہے۔