کورونا بحران اور معیشت سے متعلق راہل گاندھی و نوبل انعام یافتہ محمد یونس کے درمیان اہم تبادلہ خیال، دیکھیں ویڈیو

کانگریس لیڈر راہل گاندھی اور بنگلہ دیش کے ماہر معیشت و نوبل انعام یافتہ پروفیسر محمد یونس کے درمیان آج ایک انتہائی اہم تبادلہ خیال ہوا۔ اس بات چیت کے دوران معیشت کی بدحالی کے ساتھ ساتھ کورونا بحران پر بھی پروفیسر محمد یونس نے کئی نکات راہل گاندھی کے سامنے رکھے۔ کانگریس لیڈر کے ایک سوال کے جواب میں انھوں نے یہ بھی کہا کہ "ہم نے معاشی، مالی نظام میں مغربی طریقے کو اختیار کیا۔ اس لیے ہم نے اس شعبہ میں ہندوستان، بنگلہ دیش جیسے لوگوں کی داخلی صلاحیت کے بارے میں نہیں سوچا۔ چیزوں کو کرنے کے لیے ان کے پاس زبردست عزم ہے۔ ان کے پاس تخلیقی طریقہ ہے۔ اس تخلیقیت کی تعریف اور حمایت کرنی ہوگی۔ لیکن حکومت اس سے دور ہے، یہ غیر رسمی شعبہ ہے، آپ کے پاس کچھ کرنے کو نہیں ہے۔" محمد یونس نے معاشی پالیسیوں اور شہری و دیہی معیشت کے تعلق سے کئی باتیں کہیں جو بہت اہمیت رکھتی ہیں۔ 'قومی آواز' کے قارئین کے لیے یہاں پیش ہے راہل گاندھی و محمد یونس کے درمیان ہوئی گفتگو پر مبنی ویڈیو...