ویڈیو: سال کا آخری چاند گہن کل، احتیاط لازمی، کل مشاہدہ نہیں کیا تو پھر تین سال تک مکمل چاند گہن کا کرنا ہوگا انتظار

ہندوستان میں سال کا آخری چاند گہن کل یعنی منگل کے روز دیکھنے کو ملے گا۔ کارتک ماہ کی پورنیما تاریخ پر لگنے والا یہ 2022 کا دوسرا چاند گہن ہوگا۔ ہندوستان میں چاند گہن نظر آنے کے سبب ’سوتک کال‘ لگے گا۔ ویسے تو یہ گہن دوپہر 1 بج کر 32 منٹ سے لگے گا، لیکن ہندوستان میں یہ چاند گہن شام 5 بج کر 20 منٹ پر نظر آنا شروع ہوگا۔ چاند گہن کا اختتام شام 6 بج کر 19 منٹ پر ختم ہو جائے گا۔ مکمل چاند گہن ہندوستان میں سب سے پہلے اروناچل پردیش کے ایٹہ نگر میں دکھائی دے گا، جب کہ باقی مقامات پر جزوی چاند گہن کا نظارہ دیکھنے کو ملے گا۔