ٹاٹا ممبئی میراتھن کا 30 مئی کو انعقاد

ممبئی: ایشیاء کے سب سے معتبر میراتھن کے پرموٹرز ’پروکیم انٹرنیشنل‘ نے اعلان کیا ہے کہ ٹاٹا ممبئی میراتھن (ٹی ایم ایم) رواں سال 30 مئی کو ہوگی۔ یہ فیصلہ ہندوستانی اور بین الاقوامی ایتھلیٹک اداروں سمیت ریاستی اور شہری حکام کے ساتھ تبادلہ خیال اور باہمی گفت و شنید کے بعد لیا گیا ہے۔ پروکیم انٹرنیشنل حکومتی پروٹوکولز کی رہنمائی کرنے والے ماحول میں 10 کلومیٹر کی دوڑ میں محدود شرکت کے ساتھ مکمل میراتھن، ہاف میراتھن اور آن گراؤنڈ ایونٹس کا انعقاد کرے گا۔

ایک محدود تعداد میں لوگ اپنے مقرر کردہ مقام سے ہی ریس میں حصہ لے سکیں گے، جبکہ ہندوستان اور پوری دنیا کے شرکاء سرکاری ٹی ایم ایم 2021 ایپ کے ذریعہ اپنی من پسند جگہ سے ٹی ایم ایم میں شرکت کرسکیں گے۔ پرموٹرز تمام شرکاء، افسران، رضاکاروں اور رنگ برادری کی حفاظت پر توجہ دینے کے لئے حالات کی نگرانی کریں گے۔

اس طے شدہ تاریخ سے رنرز کو تیاری کے لئے ضروری وقت ملے گا اور اس کے ذریعے وہ ٹاٹا ممبئی میراتھن کے 18 ویں ایڈیشن میں مکمل تیاری کے ساتھ حصہ لے سکیں گے۔ اس کے علاوہ، غیر سرکاری تنظیمیں، کمپنیاں اور انفرادی فنڈرس موثر انداز میں آؤٹرچ رسائی کے لئے قیمتی وقت حاصل کرسکیں گے، جس سے وہ اپنے منتخب مقاصد کے لئے رقوم اکٹھا کرسکیں گے۔