پیرس اولمپکس 2024: بالی ووڈ ستاروں نے ہندوستان کی نمائندگی کرنے والے کھلاڑیوں کی حوصلہ افزائی کی

ممبئی: بالی ووڈ ستاروں نے 'پیرس اولمپکس 2024' میں ہندوستان کی نمائندگی کرنے والے کھلاڑیوں کی حوصلہ افزائی کی ہے۔ ہندوستان اس سال پیرس میں منعقد ہونے والے اولمپکس 2024 میں اپنی مضبوط کارکردگی کے لیے پوری طرح تیار ہے۔ بالی ووڈ کے کئی ستاروں نے سوشل میڈیا پر ہندوستان کے کھلاڑیوں کی حوصلہ افزائی کی ہے۔

خیال رہے کہ فرانس میں دریائے سین کے کنارے منعقد ہونے والی افتتاحی تقریب میں ہندوستانی اسپورٹس اسٹارز پی وی سندھو اور شرتھ کمل نے بطور پرچم بردار شرکت کی۔ رپورٹ کے مطابق افتتاحی تقریب کے دوران 78 کھلاڑی اور معاون عملہ ایک کشتی پر سوار تھے، جو ہندوستان کے لیے چیئر کر رہے تھے۔ سب فخر سے ترنگا لہرا رہے تھے۔

معروف اداکارہ دیپیکا پادوکون کے والد لیجنڈ بیڈمنٹن کھلاڑی پرکاش پادوکون بھی ہندوستانی کشتی پر سوار تھے۔ دیپیکا نے اس لمحے کو انسٹاگرام پر شیئر کیا ہے۔

اداکارہ تاپسی پنو نے بھی اپنی انسٹاگرام اسٹوری پر ایک لمحہ شیئر کیا، جس میں پیرس اولمپکس میں ان کے شوہر میتھیاس بوے نظر آ رہے ہیں۔

اداکارہ عالیہ بھٹ نے بھی اپنی ایک انسٹاگرام اسٹوری ہندوستانی کھلاڑیوں کو وقف کی ہے اور لکھا، ’’سب سے آگے اور سب سے اوپر ٹیم انڈیا۔‘‘

اجے دیوگن نے ہندوستانی کھلاڑیوں کی حوصلہ افزائی اور تعریف کرتے ہوئے ایکس پر لکھا، ’’تمام ہندوستانی ایتھلیٹس کے لیے، ہندوستان کو آپ پر فخر ہے۔ آپ جو بھی کرتے ہیں، بہترین کرتے ہیں۔ یقین رکھیں کہ ہم آپ کا کھیل پورے دل و جان اور خوشی کے ساتھ دیکھیں گے۔ نیک خواہشات۔‘‘

سنیل شیٹی نے انسٹاگرام پر پرہندوستان کے کھلاڑیوں کی حمایت کی۔ انہوں نے انسٹاگرام پر کھلاڑیوں کی کہانی پوسٹ کی۔ کیپشن میں سنیل نے اپنی نیک خواہشات کا اظہار کیا اور کہا، ’’پیرس اولمپکس کے لیے ہمارے شاندار ایتھلیٹوں کے لیے نیک خواہشات۔ جئے ہند۔‘‘
اس کے علاوہ آیوشمان کھرانہ، کارتک آرین اور دیگر معروف شخصیات نے بھی پیرس اولمپکس 2024 میں ہندوستان کی نمائندگی کرنے والے کھلاڑیوں کو مبارکباد دی ہے۔

(یو این آئی ان پٹ کے ساتھ)